00:00:00 IGIHE NETWORK KN KINYARWANDA EN ENGLISH FR FRANCAIS

U Bushinwa: Haravugwa ubwandu bwa Covid-19 ku bantu miliyoni 37 mu munsi umwe

Yanditswe na Umwali Zhuri
Kuya 24 Ukuboza 2022 saa 09:45
Yasuwe :

Hari raporo bivugwa ko ari iy’Inzego z’Ubuzima mu Bushinwa, yagaragaje ko abaturage barenga miliyoni 37 bashobora kuba baranduye Covid-19 ku munsi umwe muri iki Cyumweru.

Inama y’Urwego rw’Ubuzima mu Bushinwa yabaye ku wa Gatatu, abari bayitabiriye bagiranye ibiganiro bigaruka ku bwiyongere bwa Covid-19 mu gihugu. Bivugwa ko havugiwemo ko muri uku kwezi, abaturage bagera kuri miliyoni 248 banduye Covid-19, ni ukuvuga ko bangana na 18% by’abaturage bose b’u Bushinwa.

Bivugwa kandi ko icya kabiri cy’abaturage bo mu Majyepfo y’u Bushinwa mu Ntara ya Sichuan n’abo mu Murwa Mukuru, Beijing, bashobora kuba baranduye Covid-19 guhera mu ntangiriro z’uku kwezi.

Nta mibare y’abapfuye yigeze itangazwa, gusa ngo muri iyo nama, abari bayirimo bemeranyije ko impfu ziturutse kuri iki cyorezo bigoye ko zakumirwa, kandi baburira n’uduce dutandukanye tw’igihugu ku bijyanye no kwirinda ubwandu bw’iyi ndwara.

Ku rundi ruhande, Bloomberg yatangaje ko Inzego z’Ubuzima mu Bushinwa zavuze ko ku wa Kane habonetse ubwandu 3.761 mu gihe muri iki Cyumweru cyose bwari 14.285 naho umuntu umwe akaba ariwe wapfuye.

Covid-19 ikomeje gukaza umurego mu Bushinwa

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .