00:00:00 IGIHE NETWORK KN KINYARWANDA EN ENGLISH FR FRANCAIS

Iminsi ine irashize nta wishwe na COVID-19, abasaga miliyoni 3 bamaze gukingirwa mu Rwanda

Yanditswe na IGIHE
Kuya 18 Ukwakira 2021 saa 11:55
Yasuwe :
0 0

Ku munsi wa kane wikurikiranya, Minisiteri y’Ubuzima yatangaje ko nta muntu wahitanywe na COVID-19 mu Rwanda, bituma umubare w’abamaze kwicwa n’iki cyorezo uguma ku 1313.

Raporo ngarukamunsi yo kuri uyu wa Mbere, tariki ya 18 Ukwakira 2021, yerekanye ko mu masaha 24 yashize abaturarwanda 36 ari bo banduye COVID-19 mu bipimo 6.811.

Mu banduye, barindwi bagaragaye muri Ngororero, Umujyi wa Kigali ufite batandatu, Gakenke ni bane, mu gihe Karongi, Kayonza na Musanze ari batatu naho Nyagatare ikagira babiri.

Uturere turimo Gicumbi, Gisagara, Huye, Ngoma, Nyamasheke, Tubavu, Rusizi na Rwamagana hagaragaye umurwayi umwe.

Mu tundi turere 13, Minisante yatangaje ko nta burwayi bwagaragayemo mu bipimo byose byadufatiwemo.

Igabanuka ry’ubwandu bushya rifitanye isano n’umubare w’abakingirwa COVID-19 mu Rwanda.

Kugeza ubu mu Rwanda hamaze gukingirwa mu buryo bwuzuye [ni ukuvuga abahawe dose zombi, barimo 8.188 bafashe dose ya kabiri uyu munsi] abantu 1.733.550 kuva ibi bikorwa byatangira ku wa 5 Werurwe 2021. Abantu 3.177.390 ni bo bamaze guhabwa dose imwe y’urukingo barimo na 143.450 bayifashe uyu munsi.

Ibimenyetso bya COVID-19 birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .