00:00:00 IGIHE NETWORK KN KINYARWANDA EN ENGLISH FR FRANCAIS

Hagaragajwe ko Omicron itangiza ibihaha nk’ubundi bwoko bwa Covid-19

Yanditswe na Umutoni Rosine
Kuya 1 Mutarama 2022 saa 04:12
Yasuwe :

Ubushakashatsi bwasohowe muri iki Cyumweru bwagaragaje ko ubwoko bushya bwa Covid-19 buzwi nka Omicron butangiza ibihaha nk’ubundi bwoko bw’iki cyorezo bwagaragaye mu minsi yashize.

Ubushakashatsi bwakozwe n’inzobere zo muri Leta Zunze Ubumwe za Amerika n’izo mu Bushinwa bugasohoka muri In Review, bwakorewe ku mbeba.

Bakurikije ubundi bushakashatsi bwakorewe ku mbeba ubwo Delta yadukaga, byagaragaye ko Omicron itangije ibihaha by’imbeba ugereranyije n’uko Delta yabyangije.

No mu mazuru y’imbeba zisaga ijana zakoreweho ubushakashatsi, hasanzwemo ingano nke ya virus ugereranyije n’uko Delta yigaragazaga cyane.

Ubu bushakashatsi bwatumye ababukoze banzura ko Omicron ishobora kuba ifite ubukana buke ugereranyije n’ubundi bwoko bwayibanjirije.

Nubwo ibyavuye muri ubwo bushakashatsi bitarizerwa neza dore ko hari ubundi bugikorwa, buhuza n’ubundi bumaze iminsi bukorwa ku bukana bwa Omicron, nubwo ubu bwoko bushya nanone bwandura cyane ugereranyije n’ubwabanje.

Abashakashatsi bavuze ko ibyavuye mu bushakashatsi bidahagije ngo hemezwe ko Omicron yoroheje kuko bwakorewe ku mbeba gusa, bivuze ko hagikenewe gukorwa ubundi.

Nubwo Omicron igaragazwa nk’idakanganye mu kwangiza ibihaha, hari abandi bashakashatsi bagaragaje ko bishobora kuba biterwa n’uko umubare w’abantu benshi wagiye uhabwa inkingo bikabongerera ubudahangarwa.

Hashize ukwezi kumwe Omicron ibonetse ariko imibare y'abandura igenda yiyongera cyane

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .