COVID-19 kuwa 13 Mata: Abapfuye mu Bwongereza barenze ibihumbi icumi

Yanditswe na Ferdinand Maniraguha
Kuya 13 Mata 2020 saa 10:24
Yasuwe :
0 0

Kugeza mu gitondo cyo kuri uyu wa Mbere tariki 13 Mata 2020, abantu 1 851 409 nibo bari bamaze kwandura Coronavirus ku Isi mu gihe abasaga ibihumbi 113 imaze kubahitana.

Mu Bwongereza umubare w’abapfuye wageze ku 10 629, mu bantu 85199 bamaze kwandura, kikaba kibaye igihugu cya gatanu kigize abantu basaga ibihumbi icumi bamaze guhitanwa na Coronavirus.

Coronavirus imaze kuboneka mu bihugu 185 ku Isi, abakize basaga ibihumbi 421.
Leta Zunze Ubumwe za Amerika nizo ziza imbere mu kugira umubare w’abantu benshi bamaze kwandura kuko ari 547 681 naho abamaze gupfa ni 21692. Ikurikirwa na Espagne imaze kugira abanduye 166 019 barimo 16 972 bapfuye.

U Butaliyani bufite abanduye 156 363 naho abapfuye ni 19 899, mu Bufaransa abanduye ni 133 667 barimo 14 412 bapfuye, u Budage buza ku mwanya wa gatanu n’abanduye 127 007 , mu gihe abapfuye ari 2 961.

Ku Mugabane wa Afurika, abantu basaga 14 000 nibo bamaze kwandura Coronavirus. Abamaze gupfa bahitanywe nayo ni 788, abakize ni 2823. Ibihugu Coronavirus imaze kugeramo muri Afurika ni 52, ibyo itarageramo ni Lesotho na Comores.

Afurika y’Epfo niyo imaze kugira benshi banduye kuko bangana na 2173, ikurikirwa na Misiri ifite abanduye 2065, muri Algeria hamaze kwandura abantu 1914, Maroc handuye abantu 1661 naho muri Cameroun handuye 820.

Muri Afurika y’Iburasirazuba, muri Kenya habonetse abanduye 197, mu Rwanda hamaze kuboneka abantu banduye 126, Uganda habonetse 54, muri Tanzania hamaze kuboneka abantu 32, mu Burundi habonetse batanu, mu gihe muri Sudani y’Epfo ari bane.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .