Ni imibare ikomeje gutera inkeke mu gihe kugeza ubu nta muti nta n’urukingo rw’iki cyorezo ruraboneka ku Isi hose. U Butaliyani nka kimwe mu bihugu bitatu byazahajwe n’iki cyorezo, bufite abantu 192994 banduye mu gihe 25969 aribo bamaze gupfa.

Muri Espagne, abamaze kwandura ni 219764 naho 22524 bamaze kwitaba Imana. Mu Bufaransa, ubwandu bumaze kuba 159828 mu gihe impfu ari 22245.

Mu Bwongereza ho, abantu bamaze kwandura iki cyorezo ni 143464 mu gihe 19506 bapfuye.

Muri Afurika, Afurika y’Epfo ni cyo gihugu gifite ubwandu bwinshi kuko ubu bamaze kuba 4220 mu gihe 79 bapfuye. Misiri ifite ubwandu 4092 mu gihe abamaze gupfa bo ari 294. Muri Algeria, ubwandu ni 3127 mu gihe abamaze gupfa ari 415.

Muri Afurika y’Uburasirazuba, Kenya ni yo imaze kugira ubwandu bwinshi kuko ari 336 mu gihe abantu 14 aribo bamaze gupfa, Tanzania ifite ubwandu 299 mu gihe abantu 10 aribo bamaze gupfa; Uganda ifite ubwandu 75; u Burundi ni abantu 11 naho u Rwanda ni 176, abamaze gukira ni 87.

Muri rusange ku Isi yose, abantu 197352 nibo bamaze gupfa, mu gihe abakize ari 807250; ubwandu buri hafi kugera kuri miliyoni eshatu kuko ari 2833011.