Coronavirus ku wa 16 Mata: Amerika n’u Bufaransa mu bihugu bikomeje kugira ubwiyongere bw’abapfa

Yanditswe na Umwali Zhuri
Kuya 16 Mata 2020 saa 08:57
Yasuwe :
0 0

Abantu 2482 nibo baraye bishwe na Coronavirus muri Leta Zunze Ubumwe za Amerika; mu Bufaransa ho baba 1438 mu gihe mu Bwongereza hapfuye 761.

Ubu ku Isi hose, miliyoni 2.06 nibo bantu bamaze kwandura Coronavirus mu gihe abarenga ibihumbi 137 bo imaze kubahitana biganjemo abo muri Leta Zunze Ubumwe za Amerika.

Kugeza mu gitondo cyo kuri uyu wa Kane, Leta Zunze Ubumwe za Amerika nizo ziri ku isonga mu kugira ubwandu bwinshi aho abanduye ari 639 628, muri bo abamaze gupfa ni 30 980.

Espagne ifite ubwandu 180 659 n’abantu 18 812 bamaze guhitanwa na Coronavirus, mu gihe mu Butaliyani abanduye ari 165 155 naho abapfuye bo ari 21 645.

Mu Budage abantu 134 753 nibo banduye gusa abapfuye bo ni bake ugereranyije n’ibindi bihugu bifite ubwandu bwinshi kuko ari 3804. Mu Bufaransa abamaze kwandura ni 134 582 naho abapfuye ni 17 188.

U Bwongereza bufite ubwandu 99 489 n’abantu 12 894 bamaze gupfa kugeza ubu.

Muri Afurika, Algeria ni yo iri imbere mu kugira abantu benshi bapfa kuko biyongereyeho icumi bakaba bageze kuri 336 mu gihe Afurika y’Epfo ifite ubwandu bwinshi ku mugabane wose bungana na 2 506 ariko abantu bamaze gupfa bo ni 34.

Mu Rwanda abanduye bose ni 136 mu gihe abakize ari 54, mu Burundi hamaze kwandura abantu batanu mu gihe umwe ariwe wapfuye, Tanzania yo yagize abantu 88 banduye biyongereyeho 35 kuri uyu wa Gatatu mu gihe umwe ariwe umaze gupfa. Ni imibare iteye inkeke mu gihe Perezida Magufuli yanze gufunga ibikorwa mu kwirinda ikwirakwira rya Coronavirus.

Uganda ifite ubwandu 55, abakize ni 12, Kenya abanduye ni 225 mu gihe icumi aribo bamaze kwitaba Imana.

Leta Zunze Ubumwe za Amerika ni kimwe mu bihugu byibasiwe cyane na Coronavirus

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .