Coronavirus ku wa 14 Nyakanga: Amerika, Brésil na Peru; ibihugu byibasiwe cyane ku Isi

Yanditswe na Umwali Zhuri
Kuya 14 Nyakanga 2020 saa 09:20
Yasuwe :
0 0

Leta Zunze Ubumwe za Amerika zikomeje kuzamuka mu bwandu bwa Coronavirus aho abantu 3 361 042 aribo bamaze kwandura mu gihe abapfuye bo ari 135 582. Kuri uyu wa mbere ubwandu bushya bwabaye 56 100 mu gihe abapfuye bo ari 377.

Mu bindi bihugu byibasiwe cyane n’iki cyorezo, mu cyumweru gishize, Brésil yagize abantu barenga 260 000 banduye nk’uko imibare itangazwa na Minisiteri y’Ubuzima y’iki gihugu ibigaragaza.

Kuri uyu wa Mbere, Minisiteri y’Ubuzima muri Brésil yabaruye abantu 20286 banduye iki cyorezo bituma umubare w’abanduye ugera kuri 1884967. Abamaze gupfa muri iki gihugu ho ni 72833.

Perezida wa Brésil, Jair Bolsonaro, ni umwe mu banduye iki cyorezo mu cyumweru gishize nk’uko yabitangaje ku wa Kabiri ko afite ubu burwayi. Kugeza ubu aracyari kwitabwaho n’abaganga ndetse bivugwa ko ubuzima bwe bumeze neza.

Uyu Mukuru w’Igihugu ni umwe muri benshi bakomeje kuvuga ko ibinini bya hydroxychloroquine bivura iyi ndwara, aho ngo yabinyoye none akaba agenda amererwa neza umunsi ku wundi.

Ibindi bihugu byibasiwe cyane n’iki cyorezo, harimo Peru aho ku wa Mbere habaruwe abantu barenga 330000 banduye Coronavirus. Ni igihugu cya gatatu ku Isi cyibasiwe cyane ndetse ni icya kabiri muri Amerika y’Amajyepfo aho iki cyorezo kimeze nabi nyuma ya Brésil.

Mu masaha 24 ashize, muri Peru habonetse ubwandu 3,797 mu gihe impfu nshya zo zabaye 184. Abamaze gupfa muri rusange ubu bageze ku 12054.

Mexique nayo yagize umubare munini w’ubwandu kuri uyu wa mbere kuko bwabaye 4685 mu gihe abamaze kwandura mu gihugu hose ari 304435.

Minisiteri y’Ubuzima muri iki gihugu ibarura ko impfu nshya zabonetse ari 485, ibintu byatumye abamaze gupfa ari 35491.

Amerika y'Amajyepfo ni yo yibasiwe n'iki cyorezo kurusha ahandi muri iki gihe

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .