00:00:00 IGIHE NETWORK KN KINYARWANDA EN ENGLISH FR FRANCAIS

Bwa mbere mu Rwanda abantu 861 banduye COVID-19 mu munsi umwe

Yanditswe na IGIHE
Kuya 22 Kamena 2021 saa 11:41
Yasuwe :
0 0

Minisiteri y’Ubuzima yatangaje ko abantu 861 banduye COVID-19, uba umubare munini w’abarwayi bashya wabonetse mu munsi umwe kuva iki cyorezo cyaboneka mu Rwanda.

Itangazo rya Minisante ryo kuri uyu wa 22 Kamena 2021 ryerekanye ko abantu 861 basanzwemo COVID-19 iterwa n’agakoko ka Coronavirus bagaragaye mu bipimo 7.624. Ibi byatumye umubare w’abamaze kwandura uba 32.296 mu bipimo 1.564.486 bimaze gufatwa kuva muri Werurwe 2021.

Abarwayi bashya biganje mu Mujyi wa Kigali, ahabonetse 388 ndetse aka gace kari mu turi kubonekamo abanduye benshi. Uyu munsi, i Rubavu habonetse 83, Musanze ni 61, Burera [50], Kamonyi [47], Rutsiro [35], Rwamagana [27], Nyanza [24], Gicumbi [23] na Gakenke [23].

Ni ku nshuro ya mbere mu Rwanda hagaragaye abarwayi benshi [861] mu munsi umwe. Umubare munini uheruka wabonetse ku wa 21 Kamena 2021 ubwo abantu 622 basanganwaga ubwandu bw’iki cyorezo cyugarije Isi.

Kuri uyu wa Kabiri kandi abantu bane barimo abagore babiri b’imyaka 56 na 42 n’abagabo babiri b’imyaka 67 na 52 bahitanywe na COVID-19 i Kigali, bituma umubare w’abamaze kwicwa n’iki cyorezo ugera kuri 392.

Minisante yavuze ko abarwayi umunani ari bo bakize COVID-19, abamaze gusezerwa mu bitaro baba 26.712. Abagera ku 5.192 ni bo bari gukurikiranirwa mu ngo zabo mu gihe abandi bari kwitabwaho kwa muganga. Abarembye ni 10.

Abantu 247.402 ni bo bamaze guhabwa doze ya kabiri y’urukingo rwa COVID-19 (AstraZeneca) mu gihe abakingiwe bose mu Rwanda ari 391.001.

Ibimenyetso bya COVID-19 birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .