Batanu bishwe na Coronavirus mu Rwanda, abayikize ni 259

Yanditswe na Ishimwe Israel
Kuya 12 Gashyantare 2021 saa 10:41
Yasuwe :
0 0

Abantu batanu bahitanywe na Coronavirus kuri uyu wa Gatanu tariki ya 12 Gashyantare 2021, abayikize biyongereyeho 259 mu gihe abayanduye mu Rwanda ari 132.

Minisiteri y’Ubuzima yatangaje ko abagabo batanu bitabye Imana barimo bane bo mu Mujyi wa Kigali bafite imyaka 86, 82, 68, 63 n’umwe ufite imyaka 54 wo mu Karere ka Kayonza.

Kuva Coronavirus yagera mu Rwanda abantu 236 bamaze guhitanwa n’iki cyorezo mu gihe abamaze kwandura bagera ku 17 200.

Usibye abapfuye n’abanduye, abakize ni 259 aho muri rusange abamaze gukira ari 13 937 naho abakirwaye ni 3027. Ibipimo bimaze gufatwa kuva iki cyorezo cyagera mu Rwanda ni 938 902.

Minisiteri y’Ubuzima yerekana ko ijanisha ku bandura Coronavirus riri kuri 3%, iry’abakira ni 81% mu gihe abapfa bari kuri 1.3%.

Ibimenyetso by’iyi ndwara birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abanyarwanda bagirwa inama yo gukomeza kubahiriza amabwiriza yashyizweho, bibuka kwambara agapfukamunwa buri gihe bavuye mu ngo, bakaraba intoki kenshi, birinda amakoraniro n’ibindi bintu byose bishobora guhuriza hamwe abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .