Babiri bishwe na Coronavirus mu Rwanda, 77 barayandura

Yanditswe na Hakizimana Jean Paul
Kuya 1 Mutarama 2021 saa 10:25
Yasuwe :
0 0

Minisiteri y’Ubuzima yatangaje ko abantu babiri bishwe na Coronavirus mu Rwanda mu gihe abayanduye biyongereyeho 77 bituma umubare wabo ugera kuri 8 460 mu gihugu hose.

Mu itangazo iyi minisiteri yasohoye kuri uyu wa Gatanu tariki ya 1 Mutarama 2021 ryerekanye ko abarwayi babiri bishwe n’iki cyorezo barimo umugabo w’imyaka 81 n’undi w’imyaka 73 bose bakomoka mu Mujyi wa Kigali.

Mu bipimo 2986 byafashwe kuri uyu wa Gatanu habonetse abanduye 77, abakize iki cyorezo bakaba ari 56 mu gihe abo kimaze guhitana ari 94.

Aba barwayi bakaba bagaragaye mu turere dutandukanye harimo 22 bagaragaye mu Mujyi wa Kigali i Huye 22, i Musanze 24, Kamonyi batatu, Rubavu barindi, Rusizi barindwi, Kayonza babiri, Ruhango umwe, Nyamagabe umwe, Gakenke umwe, Kirehe umwe na Gicumbi habonetse umuntu umwe.

Kuri ubu mu Rwanda abantu 733 122 nibo bamaze gupimwa Coronavirus, 8460 basanzwe bayirwaye, abagera ku 6598 bamaze kuyikira mu gihe abakirwaye ari 1768.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .