Babiri barimo uw’i Huye n’i Kigali bishwe na COVID-19, abanduye biyongeraho 277 bagaragaye mu ntara zose

Yanditswe na IGIHE
Kuya 16 Mutarama 2021 saa 10:09
Yasuwe :
0 0

Minisiteri y’Ubuzima yatangaje ko abantu babiri bishwe na Coronavirus mu Rwanda mu gihe abandi 277 bo mu turere 16 n’Umujyi wa Kigali aribo bayanduye kuri uyu wa Gatandatu.

Abapfuye ni abagabo babiri barimo umwe w’imyaka 66 w’i Kigali n’undi musore w’imyaka 27 wo mu Karere ka Huye. Ubu umubare w’abapfuye wahise wiyongera ugera ku 140.

Itangazo rya Minisiteri y’Ubuzima rikomeza rivuga ko mu bipimo 6.423 byafashwe kuri uyu wa Gatandatu, hagaragayemo abantu 277 banduye bituma umubare w’ubwandu mu gihugu hose ugera ku 10.850.

Abanduye ni 139 b’i Kigali, 22 b’i Ngoma, 19 b’i Kirehe, 18 b’i Rulindo, 15 b’i Huye, 12 b’i Gicumbi, 12 b’i Gisagara, 7 b’i Nyamasheke, 7 b’i Musanze, 5 b’i Muhanga, 4 b’i Rwamagana, 4 b’i Nyanza, 4 b’i Rubavu, 3 bo mu Gakenke, 2 b’i Nyamagabe, 2 b’i Karongi na 2 b’i Nyagatare.

Kuri uyu munsi kandi abakize babaye 165 bituma umubare wabo muri rusange uba 7.193 mu gihe abakirwaye ari abantu 3.517.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .