00:00:00 IGIHE NETWORK KN KINYARWANDA EN ENGLISH FR FRANCAIS

Afurika y’Epfo yatangije uruganda rukora inkingo za Covid-19 n’iza kanseri

Yanditswe na Umwali Zhuri
Kuya 20 January 2022 saa 10:19
Yasuwe :

Kuri uyu wa Gatatu mu mujyi wa Cape Town muri Afurika y’Epfo hafunguwe uruganda rukora inkingo za Covid-19, iza kanseri n’indi miti itandukanye.

Ni uruganda rwashowemo amafaranga n’umuherwe w’umunyamerika ukomoka muri Afurika y’Epfo, Patrick Soon-Shiong.

Soon-Shiong w’imyaka 69 yavukiye muri Afurika y’Epfo ahava agiye kwiga ibijyanye n’ubuvuzi. Kuri ubu ni nimero 89 ku rutonde rwa Forbes rw’abaherwe bari muri Amerika, aho abarirwa umutungo wa miliyari 7.5 z’amadolari.

Uyu mugabo w’inzobere mu kubaga, yamenyekanye cyane mu gukora imiti ivura kanseri.

Mu gutaha uruganda rushya, yavuze ko yizeye ko inkingo za Covid-19 bagiye gukora zizafasha mu guhagarika ubwandu bw’icyo cyorezo.

Byitezwe ko uru ruganda rushya ruzafasha umugabane wa Afurika kubona inkingo vuba dore ko ari cyo gice cy’isi kiri inyuma mu gukingira ugereranyije n’indi migabane.

Soon-Shiong yatangaje ko uruganda rwe ruzuzura rutwaye miliyoni 196 z’amadolari. Byitezwe ko bizagera mu 2025 urwo ruganda rumaze gukora inkingo zigera kuri miliyari.

Abitabiriye ifungurwa ry'urwo ruganda i Cape Town kuri uyu wa Gatatu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .