00:00:00 IGIHE NETWORK KN KINYARWANDA EN ENGLISH FR FRANCAIS

Abaturarwanda basaga miliyoni 1.6 bamaze gukingirwa COVID-19 mu buryo bwuzuye

Yanditswe na IGIHE
Kuya 5 Ukwakira 2021 saa 11:29
Yasuwe :
0 0

Raporo Ngarukamunsi ya Minisiteri y’Ubuzima yerekanye ko abaturarwanda 1.686.978 bamaze gukingirwa COVID-19 mu buryo bwuzuye nyuma yo guhabwa dose ebyiri z’urukingo.

Iyi raporo igaragaza ko 1.686.978 bakingiwe nyuma y’uko ku wa 5 Ukwakira 2021, abahawe dose ya kabiri y’urukingo rwa Covid-19 bari 2.712 mu gihe abafashe iya mbere ari 1.032 byatumye umubare wabo ugera kuri 2.135.104.

U Rwanda rwizere ko nibura uyu mwaka uzarangira hakingiwe 30% by’Abaturarwanda. Ni mu gihe umwaka utaha byitezwe ko hazaba hakingiwe nibura 60%. Icyizere cyo kugera kuri iyi ntego ahanini gishingiye ku kuba igihugu gikomeje kwakira inking nyinshi zirimo iziva mu baterankunga ndetse n’izo kigura.

Minisante kandi yatangaje ko kuri uyu wa Kabiri, abantu 126 banduye COVID-19 mu bipimo 9.113 mu gihe bane binjijwe mu bitaro kugira ngo bitabweho n’abaganga.

Ikomeza yerekana ko kuri ubu abarembye ari batandatu mu gihe abarwayi basezerewe mu bitaro ari babiri.

Minisante kandi igaragaza ko mu masaha 24 ashize, abagore babiri barimo ufite imyaka 68 w’i Nyamasheke n’ufite 29 w’i Nyabihu, bishwe n’icyorezo cya COVID-19.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .