00:00:00 IGIHE NETWORK KN KINYARWANDA EN ENGLISH FR FRANCAIS

Abaturarwanda 43.432 bahawe dose ya mbere y’urukingo rwa COVID-19

Yanditswe na IGIHE
Kuya 10 Nzeri 2021 saa 11:58
Yasuwe :
0 0

Minisiteri y’Ubuzima mu Rwanda yatangaje ko kuri uyu wa Gatanu, abantu 43.432 bahawe dose ya mbere y’urukingo rwa COVID-19 bituma umubare w’abamaze kuyibona ugera kuri 1.711.757.

Itangazo rya Minisante ryo kuri uyu wa 10 Nzeri 2021, rivuga ko muri rusange abamaze guhabwa inkingo ebyiri, bakingiwe byuzuye ari 932.692. Abahawe dose ya kabiri uyu munsi ni 8.459.

Kuri uyu munsi kandi abanduye Covid-19 bashya ni 470 mu bipimo 11.378. Mu masaha 24 yashize abantu batanu barimo umugore umwe n’abagabo bane ni bo bishwe na Covid-19 mu gihe abarembye ari 18.

Abarwayi basezerewe mu bitaro ni batandatu mu gihe icyenda aribo babyinjijwemo.

U Rwanda rukomeje gushyira imbaraga mu bikorwa byo gukingira abaturage barwo; rukingira COVID-19 rwifashishije AstraZeneca, Johnson & Johnson, Pfizer ndetse na Sinopharm.

Leta yihaye intego ko nibura uyu mwaka uzarangira hakingiwe 30% by’Abaturarwanda; ni mu gihe umwaka utaha byitezwe ko hazaba hakingiwe nibura 60%.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .