00:00:00 IGIHE NETWORK KN KINYARWANDA EN ENGLISH FR FRANCAIS

Abasaga ibihumbi 130 bamaze guhabwa dose ya kabiri y’urukingo rwa COVID-19

Yanditswe na IGIHE
Kuya 30 Gicurasi 2021 saa 10:58
Yasuwe :
0 0

Minisiteri y’Ubuzima yatangaje ko abantu 133.460 bamaze guhabwa dose ya kabiri y’urukingo rwa COVID-19 barimo 63.869 bayihawe uyu munsi.

U Rwanda rwatangiye gahunda yo gukingira ku wa 5 Werurwe 2021. Kuva icyo gihe hamaze gutangwa inkingo ku bantu 350.400.

By’umwihariko abahawe urukingo rwa Astrazeneca batangiye gufata dose ya kabiri ku wa 29 Gicurasi 2021.

Mu minsi ibiri ibyo bikorwa byongeye gusubukurwa, hamaze gutangwa inkingo ku bantu 133.460.

Minisante ivuga ko ibikorwa byo “Gukingira bizakomeza ku munsi w’ejo [ku wa Mbere, tariki ya 31 Gicurasi 2021].’’

Itangazo rigaruka ku ishusho ya COVID-19 ya buri munsi yerekanye ko kuri iki Cyumweru, abantu 26 banduye iki cyorezo mu bipimo 5620 byafashwe.

Kuva umurwayi wa mbere agaragaye mu Rwanda muri Werurwe 2021, abantu 352 bamaze guhitanwa na Coronavirus mu barwayi bayo 26.918 bakuwe mu bipimo 1.441.143 byafashwe kuva iki cyorezo cyagera mu Rwanda.

Mu basanzwemo iki cyorezo, abakize ni 25.609, barimo barindwi b’uyu munsi mu gihe abakiri kwitabwaho mu bitaro ari 957 barimo barindwi barembye.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .