00:00:00 IGIHE NETWORK KN KINYARWANDA EN ENGLISH FR FRANCAIS

Abantu umunani bahitanywe na COVID-19 mu Rwanda, 485 barayandura

Yanditswe na IGIHE
Kuya 2 Nzeri 2021 saa 11:56
Yasuwe :
0 0

Minisiteri y’Ubuzima yatangaje ko kuri uyu wa 2 Nzeri 2021, abantu umunani bahitanywe na COVID-19, bituma umubare w’abo imaze kwica mu Rwanda bagera kuri 1.105.

Itangazo rya Minisante ryo kuri uyu wa Kane ryavuze ko abahitanywe na COVID-19 barimo “abagore babiri n’abagabo batandatu.’’

Mu masaha 24 yashize habonetse abanduye bashya 485 mu bipimo 11.604.

Kuri uyu munsi, abantu 11 bashyizwe mu bitaro mu gihe 16 aribo basezerewe nyuma yo gukira COVID-19. Kugeza uyu munsi, abagera kuri 35 ni bo bari kwitabwaho by’umwihariko kuko barembye.

Kuva ku wa 14 Werurwe 2020 ubwo umurwayi wa mbere wa COVID-19 yabonekaga mu Rwanda, hamaze gufatwa ibipimo 2.473.190; mu minsi irindwi ishize gusa abarwayi 3.481 ni bo bakuwe mu bipimo 114. 261.

Kuva ku wa 5 Werurwe 2021 ubwo hatangiraga ibikorwa byo gukingira mu buryo bwa rusange, abaturage 782.834 bamaze gukingirwa mu buryo bwuzuye nyuma yo guhabwa dose ebyiri mu gihe 39.216 bahawe dose ya mbere uyu munsi, bituma umubare w’abamaze gufata imwe ugera kuri 1.592.405.

Abaturarwanda barasabwa gukomeza kubahiriza amabwiriza atangwa n’inzego z’ubuzima mu gukumira ikwirakwira ry’icyorezo, arimo kwambara agapfukamunwa neza, guhana intera, gukaraba intoki kenshi cyangwa gukoresha umuti wica udukoko igihe cyose wakoze aho abandi bakoze. Barasabwa kwirinda kwikorakora mu maso, ku izuru no ku munwa, ndetse bakishyurana bakoresheje ikoranabuhanga aho bishoboka hose.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .