00:00:00 IGIHE NETWORK KN KINYARWANDA EN ENGLISH FR FRANCAIS

Abantu batatu bahitanywe na COVID-19 mu Rwanda, 140 bayanduye

Yanditswe na IGIHE
Kuya 8 Ukwakira 2021 saa 10:59
Yasuwe :
0 0

Minisiteri y’Ubuzima yatangaje ko ku wa Gatanu, tariki ya 8 Ukwakira 2021, abantu batatu bahitanywe na COVID-19, bituma umubare w’abo imaze kwica mu Rwanda bagera kuri 1.300.

Itangazo rya Minisante ryakomeje rivuga ko abahitanywe na COVID-19 mu Rwanda ari “abagore babiri n’umugabo umwe”.

Mu masaha 24 yashize habonetse abanduye bashya 140, bangana n’ijanisha rya 1.1%, mu bipimo 11.985.

Kuri uyu munsi, umuntu umwe ni we washyizwe mu bitaro mu gihe batatu aribo basezerewe nyuma yo gukira COVID-19. Kugeza uyu munsi, abagera kuri barindwi ni bo bari kwitabwaho by’umwihariko kuko barembye.

Kuva ku wa 14 Werurwe 2020 ubwo umurwayi wa mbere wa COVID-19 yabonekaga mu Rwanda, hamaze gufatwa ibipimo 2.908.263; mu minsi irindwi ishize gusa abarwayi 790 ni bo bakuwe mu bipimo 77.536.

Kuva ku wa 5 Werurwe 2021 ubwo hatangiraga ibikorwa byo gukingira mu buryo bwa rusange, abaturage 1.694.441 bamaze gukingirwa mu buryo bwuzuye nyuma yo guhabwa dose ebyiri, aba barimo 2.503 bayifashe uyu munsi. Ku rundi ruhande, none abantu 1.662 bafashe dose ya mbere bituma umubare wose w’abamaze kuyihabwa uba 2.139.148.

Abaturarwanda barasabwa gukomeza kubahiriza amabwiriza atangwa n’inzego z’ubuzima mu gukumira ikwirakwira ry’icyorezo, arimo kwambara agapfukamunwa neza, guhana intera, gukaraba intoki kenshi cyangwa gukoresha umuti wica udukoko igihe cyose wakoze aho abandi bakoze. Barasabwa kwirinda kwikorakora mu maso, ku izuru no ku munwa, ndetse bakishyurana bakoresheje ikoranabuhanga aho bishoboka hose.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .