Itangazo rya Minisiteri y’Ubuzima ryo kuri uyu wa 5 Nzeri 2021 ryerekanye ko abitabye Imana ari abagore batatu n’abagabo bane.

Abanduye Coronavirus biyongereyeho 244 mu masaha 24 ashize, bakuwe mu bipimo 12.191 byafashwe. Mu minsi irindwi ishize gusa, mu Rwanda habonetse abarwayi 3.155 mu bipimo 84.128 byafashwe.

Imibare y’abarwayi bashya bajyanywe mu bitaro yiyongereyeho barindwi mu gihe umwe ariwe wasezerewe nyuma yo gukira iki cyorezo. Kugeza magingo aya, abarwayi barembye bari kwitabwaho ni 23.

Kugeza kuri iki Cyumweru, abantu 895.501 ni bo bamaze guhabwa doze ebyiri z’urukingo rwa COVID-19 kuva ibikorwa byo gukingira byatangira ku wa 5 Werurwe 2021. Abamaze guhabwa urukingo rumwe ni 1.660.977. Kuri uyu munsi hakingiwe 1.725 bahawe doze ya mbere y’urukingo rwa Covid-19 mu gihe 4.786 bahawe iya kabiri.

05.09.2021 Amakuru mashya | Update | Mise à jour

Twihanganishije imiryango y'abagore 3 n'abagabo 4 bitabye Imana / Condolences to families of 3 women and 4 men who passed away / Condoléances aux familles de 3 femmes et 4 hommes qui sont décédés pic.twitter.com/pjKsXbFwOS

— Ministry of Health | Rwanda (@RwandaHealth) September 5, 2021