00:00:00 IGIHE NETWORK KN KINYARWANDA EN ENGLISH FR FRANCAIS

Abantu barindwi bishwe na COVID-19 mu Rwanda, 453 barayandura

Yanditswe na IGIHE
Kuya 7 Nzeri 2021 saa 11:55
Yasuwe :
0 0

Minisiteri y’Ubuzima yatangaje ko abantu barindwi bahitanywe na COVID-19 mu Rwanda bituma umubare w’abamaze kwicwa n’iki cyorezo ugera kuri 1.141 mu gihe abanduye ari 453.

Minisante yatangaje ko abarwayi bishwe na COVID-19 kuri uyu wa 7 Nzeri 2021, ari umugore umwe n’abagabo batandatu.

Abarwayi bashya 453, bangana n’ijanisha rya 3.7% babonetse mu bipimo 12.023 byafashwe mu masaha 24 yashize.

Kuri uyu munsi kandi abarwayi umunani basezerewe mu bitaro, abagera ku icyenda ni bo babyinjijwemo mu gihe umubare w’abarembye wageze kuri 16.

Kugeza ubu mu Rwanda hamaze gukingirwa mu buryo bwuzuye [ni ukuvuga abahawe dose ebyiri za COVID-19] abantu 914.525 kuva ibi bikorwa byatangira ku wa 5 Werurwe 2021. Abantu 1.664.210 ni bo bamaze guhabwa dose imwe y’urukingo barimo na 1.452 bayifashe uyu munsi na 7.378 bafashe iya kabiri.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .