Abantu 88 barimo 79 b’i Kigali banduye Coronavirus, 4 ni bo bakize mu Rwanda

Yanditswe na Ishimwe Israel
Kuya 26 Kanama 2020 saa 11:35
Yasuwe :
0 0

Minisiteri y’Ubuzima yatangaje ko abantu 88 banduye Coronavirus mu Rwanda mu bipimo 5467 byafashwe uyu munsi mu gihe bane aribo basezerewe mu bitaro nyuma yo gukira.

Ubwandu bushya bwiganje mu bantu bapimwe mu masoko yo mu Mujyi wa Kigali no mu mu tundi duce tw’igihugu.

Itangazo rya Minisante ryo kuri uyu wa Gatatu rigaragaza ko abarwayi bashya bakuwe muri Kigali ahasanzwe 79 (bapimwe mu masoko ya Kigali), i Rusizi ni batatu, Rubavu ni babiri, Karongi ni babiri, Nyamasheke ni umwe ndetse na Kamonyi umwe.

Kuva umurwayi wa mbere wa COVID-19 iterwa n’agakoko gashya ka Coronavirus agaragaye mu Rwanda ku wa 14 Werurwe 2020, hamaze kuboneka 3625 banduye mu bipimo 383 481, abagera ku 1810 barayikize mu gihe 1800 bakitabwaho n’abaganga naho 15 bitabye Imana.

Kugeza ubu nta muti n’urukingo bya Coronavirus biraboneka, hakoreshwa uburyo bwo kuvura ibimenyetso by’iki cyorezo gusa, kugeza umubiri w’umuntu wubatse ubudahangarwa, virus igashira ityo mu maraso.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .