Abantu 87 banduye COVID-19 mu Rwanda, nta wayikize

Yanditswe na Ishimwe Israel
Kuya 23 Ukuboza 2020 saa 09:20
Yasuwe :
0 0

Minisiteri y’Ubuzima yatangaje ko abantu 87 basanganywe Coronavirus mu bipimo 2366 byafashwe kuri uyu wa Gatatu mu gihe nta murwayi wayikize mu Rwanda.

Umurwayi wa mbere wa COVID-19 iterwa n’agakoko ka Coronavirus yabonetse mu Rwanda ku wa 14 Werurwe 2020, yari Umuhinde ukorera rimwe mu mashami ya Loni mu gihugu wari uvuye mu Mujyi wa Mumbai.

Kuva icyo gihe imibare yerekana ko abantu 7598 bamaze kwandura mu gihe 6163 basezerewe nyuma yo gukira ndetse ibipimo bikerekana ko nta virusi bagifite mu mibiri yabo.

Mu bitaro byita ku barwayi ba Coronavirus wongeyeho abavurirwa mu ngo, hari kubarizwa 1369 mu gihe 66 aribo bamaze kwitaba Imana bahitanywe n’iki cyorezo.

Muri iyi minsi abarwayi ba Coronavirus bari kuboneka mu duce twinshi tw’igihugu. Kuri uyu wa 23 Ukuboza 2020, abarwayi bashya basanzwe muri “Kigali: 71, Rubavu: 9, Huye: 5, Rusizi: 1, Nyanza: 1.’’

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .