Abantu 78 banduye Coronavirus mu Rwanda, abakize ni 32

Yanditswe na Ishimwe Israel
Kuya 17 Ukuboza 2020 saa 10:14
Yasuwe :
0 0

Minisiteri y’Ubuzima yatangaje ko abantu 78 banduye COVID-19 iterwa na Coronavirus mu bipimo 3054 byafashwe mu masaha 24 mu gihe umubare w’abakize wiyongereyeho 32 baba 6089.

Itangazo rya Minisante ryo kuri uyu wa Kane ryerekanye ko mu banduye harimo abahuye n’abanduye muri Kigali.

Rikomeza riti “Abarwayi bashya bagaragaye: Kigali: 36 (abahuye n’abanduye), Huye: 17, Musanze: 13, Rubavu: 5, Burera: 1, Muhanga: 1, Nyanza: 1, Nyamagabe: 1, Gicumbi: 1, Kayonza: 1, Nyagatare: 1.’’

Ubwandu bushya bwabonetse mu Rwanda bwatumye abamaze kwandura Coronavirus mu gihugu bagera ku 7032 mu bipimo 679 132 bimaze gufatwa kuva COVID-19 igaragaye muri Werurwe 2020.

Mu banduye bose, abagera kuri 6089 basezerewe nyuma yo gusangwa nta bwandu bagifite mu maraso yabo, abakirwaye ni 886 mu gihe 57 bitabye Imana.

Minisante igaragaza ko ijanisha ku mibare y’abakira iri kuri 86.5%, abapfa ni 0.8% mu gihe abandura ari 2.5%.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi mu nsisiro cyangwa ahatuye imiryango myinshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .