Abantu 53 bakize Coronavirus mu Rwanda, abanduye biyongereyeho barindwi

Yanditswe na Ishimwe Israel
Kuya 4 Kanama 2020 saa 10:47
Yasuwe :
0 0

Minisiteri y’Ubuzima yatangaje ko abantu 53 bakize COVID-19 banasezererwa mu bitaro mu gihe mu bipimo 3072 byafashwe mu masaha 24 yashize, abagera kuri barindwi basanzwe baranduye.

Umubare w’abamaze kwandura Coronavirus kuva umurwayi wa mbere agaragaye mu Rwanda ku wa 14 Werurwe 2020, bamaze kuba 2099 barimo 1222 bakize. Abakiri mu bitaro bari kwitabwaho ni 872.

Mu barwayi bashya barindwi basanzwemo ubwandu bwa COVID-19 iterwa n’agakoko gashya ka Coronavirus kuri uyu wa 4 Kanama 2020, abagera kuri bane bagaragaye i Rusizi bari mu bahuye n’abanduye; i Kigali hakuwe babiri mu gihe i Nyamasheke hakuwe umwe.

  • Abanduye ni 2099 (Barimo barindwi bashya)
  • Abakize ni 1222 (Barimo 53 bashya)
  • Abakirwaye ni 872
  • Abantu batanu bamaze kwitaba Imana
  • Ibipimo bimaze gufatwa ni 278 457 (Ibipimo bishya 3072)

Kuva umurwayi wa mbere wa Coronavirus agaragaye mu Rwanda, ku wa 27 Nyakanga 2020 nibwo habonetse umubare munini w’abantu bakize mu munsi umwe, ahabonetse abagera kuri 57.

Coronavirus yagaragaye bwa mbere mu Mujyi wa Wuhan mu Bushinwa mu Ukuboza 2019; kuri ubu 18 603 296 bamaze kuyandura ku Isi yose, barimo 701 253 yahitanye mu gihe 11 815 499 bamaze kuyikira.

Kugeza ubu nta muti n’urukingo bya Coronavirus biraboneka, hakoreshwa uburyo bwo kuvura ibimenyetso by’iki cyorezo gusa, kugeza umubiri w’umuntu wubatse ubudahangarwa, virus igashira ityo mu maraso.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .