Abantu 49 banduye Coronavirus mu Rwanda, abayikize ni 44

Yanditswe na Ishimwe Israel
Kuya 28 Werurwe 2021 saa 09:23
Yasuwe :
0 0

Minisiteri y’Ubuzima yatangaje ko abantu 49 banduye Coronavirus mu bipimo 10.578 byafashwe mu gihe abarwayi 44 ari bo bakize mu masaha 24 yashize.

Itangazo rya Minisante ryerekanye ko kuri iki Cyumweru, tariki ya 28 Werurwe 2021, nta muntu witabye Imana, azize Coronavirus.

Abarwayi bashya bagaragaye biganjemo abo mu Turere twa Nyamagabe [11], Nyanza [9], Rwamagana [7], Bugesera [5], Umujyi wa Kigali [4], Ngoma [4], Muhanga [2], Rubavu [2], mu gihe muri Gisagara, Ngororero, Nyaruguru, Kayonza na Huye hose habonetse umwe muri buri karere.

Ibi byanatumye abamaze kwandura kuva Coronavirus igeze mu Rwanda muri Werurwe 2021 bagera ku 21.419 mu bipimo 1.123.901 bimaze gufatwa. Abarwayi bakize iki cyorezo biyongereyeho 44, umubare w’abamaze gusezererwa mu bitaro no mu ngo zabo baba 19.785.

Abantu bakirwaye ni 1.333 mu gihe barindwi barembye. Abamaze kwitaba Imana ni 301.

Kuri uyu munsi, nta muntu mushya wakingiwe byatumye umubare w’abamaze guhabwa urukingo rwa Coronavirus baguma ku 348.926.

Abanyarwanda bagirwa inama yo gukomeza kubahiriza amabwiriza yashyizweho, bibuka kwambara agapfukamunwa buri gihe bavuye mu ngo, bakaraba intoki kenshi, birinda amakoraniro n’ibindi bintu byose bishobora guhuriza hamwe abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .