Abantu 46 banduye Coronavirus, abayikize mu Rwanda ni 19

Yanditswe na Ishimwe Israel
Kuya 8 Ukuboza 2020 saa 10:31
Yasuwe :
0 0

Minisiteri y’Ubuzima yatangaje ko abantu 46 basanzwemo COVID-19 mu bipimo 3855 byafashwe mu masaha 24 ashize bituma umubare w’abamaze kwandura uba 6237 mu gihe 19 ari bo bayikize.

Abarwayi bashya bagaragaye kuri uyu wa Kabiri, tariki ya 8 Ukuboza 2020, barimo abakuwe muri “Kigali: 24, Rubavu: 10, Bugesera: 6, Kirehe: 3, Rusizi: 2 na Rwamagana: 1.’’

Kuva umurwayi wa mbere wa COVID-19 iterwa n’agakoko ka Coronavirus agaragaye mu Rwanda ku wa 14 Werurwe 2020, hamaze kuboneka 6237 banduye mu bipimo 650 668 bimaze gufatwa, 5715 barayikize, 471 baracyari kwitabwaho mu gihe 51 bitabye Imana.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwirinda imihuro itari ngombwa no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .