00:00:00 IGIHE NETWORK KN KINYARWANDA EN ENGLISH FR FRANCAIS

Abantu 422 banduye Covid-19 mu Rwanda

Yanditswe na IGIHE
Kuya 17 Kamena 2021 saa 11:24
Yasuwe :
0 0

Icyorezo cya Covid-19 gikomeje kwiyongera mu Rwanda, aho imibare ya Minisiteri y’Ubuzima kuri uyu wa Kane igaragaza ko abantu 422 aribo bayanduye mu bipimo 5770 byafashwe, bituma umubare w’abamaze kuyandura uba 29597.

Umusore w’imyaka 19 wo mu mujyi wa Kigali yitabye Imana azize icyorezo cya Covid-19, bituma umubare w’abamaze guhitanwa n’iki cyorezo ugera kuri 377.
Abantu banduye kuri uyu wa Kane abenshi bagaragaye i Kigali kuko habonetse 176, Rubavu 36, Rutsiro 29, Kamonyi 29, Burera 27, Musanze 24, Rulindo 24 na Gakenke 14.

Hakize abarwayi icyenda uyu munsi, bikaba byatumye umubare w’abamaze gukira iki cyorezo uba 26 392. Abakirwaye ni 2 828 mu gihe abarembye muri abo ari 9.

Muri rusange abamaze gukingirwa mu Rwanda ni 389 891 barimo 59 babonye urukingo uyu munsi. Abantu 246,289 bamaze guhabwa doze ya kabiri y’urukingo rwa AstraZeneca barimo 1,082 bayihawe uyu munsi.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa mu gihe umuntu avuye mu rugo cyangwa ahuye n’abantu benshi mu nsisiro cyangwa ahatuye imiryango myinshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .