Abantu 38 barimo 30 b’i Kigali banduye Coronavirus, abayikize ni 18

Yanditswe na Twarabanye Venuste
Kuya 16 Nyakanga 2020 saa 09:50
Yasuwe :
0 0

Minisiteri y’Ubuzima yatangaje ko abantu 38 basanganywe Coronavirus mu bipimo 5556 byafashwe mu masaha 24 yashize mu gihe abasezerewe mu bitaro biyongereyeho 18 bituma umubare w’abakize mu Rwanda uba 770.

Itangazo rya Minisante ryo kuri uyu wa Kane, tariki 16 Nyakanga 2020, rivuga ko abantu 38 basanzwemo Coronavirus, barimo 30 bo muri Kigali mu ‘Itsinda riri mu kato ryitabwaho by’umwihariko’. Abandi barindwi ni abo mu Karere ka Nyabihu naho umwe ni uwo mu Karere ka Kirehe. Aba barwayi babonetse mu bipimo 5556 byafashwe.

Ibyo byatumye umubare w’abamaze kwandura ugera ku 1473 mu gihe 18 ari bo bayikize, abamaze gukira, bagasezererwa mu bitaro bagera kuri 770.

Kugeza kuri uyu wa Kane, mu Rwanda hamaze gufatwa ibipimo 200 358 muri rusange. Abamaze gusangwamo icyo cyorezo ni 1473 naho abamaze kugikira ni 770 mu gihe abo kimaze guhitana ari bane.

Nta muti n’urukingo bya Coronavirus biraboneka, gusa kucyirinda birashoboka. Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa agiye ahahurira abantu benshi.

Ibimenyetso bya Coronavirus birimo inkorora, ibicurane, guhumeka bigoranye n’umuriro ukabije. Yandura binyuze mu matembabuzi aturuka mu myanya y’ubuhumekero.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .