Abantu 30 bakize Coronavirus, abanduye mu Rwanda biyongeraho 22 baba 900

Yanditswe na Ishimwe Israel
Kuya 28 Kamena 2020 saa 08:07
Yasuwe :
0 0

Abantu 30 bakize Coronavirus basezererwa mu bitaro mu gihe mu bipimo 3002 byafashwe kuri uyu wa 28 Kamena 2020 abarwayi 22 bayisanganywe, byatumye umubare w’abanduye mu Rwanda ugera kuri 900.

Ni ku nshuro ya mbere, umubare w’abantu benshi wasezerewe mu bitaro kuva umuntu wa mbere wanduye Coronavirus agaragaye mu Rwanda ku wa 14 Werurwe 2020.

  • Abanduye ni 900 (22 bashya)
  • Abakize ni 443 (30 bashya)
  • Abakirwaye ni 455
  • Abantu babiri bitabye Imana
  • Ibipimo bimaze gufatwa 137 751 (ibipimo bishya 3002)

Itangazo rya Minisiteri y’Ubuzima ryo kuri iki Cyumweru ryerekana ko ‘‘abarwayi bashya bagaragaye i Rusizi (8), Rubavu (7), Kigali (6), Kirehe (1).’’

Umubare w’abantu bakiri mu bitaro [455] urasumba uw’abasezerewe [443]. Mu Rwanda abamaze gukira icyorezo cya COVID-19 giterwa n’agakoko ka Coronavirus kugeza ubu ni 443 barimo 30 basezerewe uyu munsi.

Abarwayi bakize ni bo benshi batashye mu munsi umwe kuva aba mbere basezerewe mu Bitaro bya Kanyinya ku wa 5 Mata 2020.

Mu Rwanda haherukaga gusezererwa abarwayi benshi mu bitaro ku 17 Gicurasi 2020, icyo gihe hatashye abantu 19.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Abaturarwanda basabwa gukomeza kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune, kwambara udupfukamunwa mu gihe umuntu avuye mu rugo cyangwa ahuye n’abantu benshi mu nsisiro cyangwa ahatuye imiryango myinshi.

Ishami ry’Umuryango w’Abibumbye ryita ku Buzima (OMS) ryemeje ku wa 11 Werurwe 2020 ko Coronavirus ari icyorezo cyugarije Isi bitewe n’ubwiyongere bw’abayandura.

Coronavirus yagaragaye bwa mbere mu Mujyi wa Wuhan mu Bushinwa mu Ukuboza 2019; kuri ubu 10 174 671 bamaze kuyandura ku Isi yose, barimo 502,856yahitanye na 5 510 653 bamaze kuyikira.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .