Abantu 21 bakize Coronavirus, barindwi ni bo bayanduye

Yanditswe na Ishimwe Israel
Kuya 6 Kanama 2020 saa 09:46
Yasuwe :
0 0

Minisiteri y’Ubuzima yatangaje ko abantu 21 bakize Coronavirus mu Rwanda mu gihe barindwi banduye iki cyorezo mu bipimo 3196 byafashwe uyu munsi.

Abantu barindwi basanganywe ubwandu bwa Coronavirus kuri uyu wa Kane, tariki ya 6 Kanama 2020 barimo batanu b’i Kigali bapimwe mu bibasiwe kurusha abandi na babiri bakuwe mu Karere ka Rusizi.

Kuva umurwayi wa mbere wa COVID-19 iterwa n’agakoko gashya ka Coronavirus agaragaye mu Rwanda ku wa 14 Werurwe 2020, hamaze kuboneka abantu 2111 banduye mu bipimo 286 251; abamaze gukira ni 1258 barimo 21 b’uyu munsi mu gihe abakirwaye ari 848. Batanu nibo bamaze guhitanwa n’iki cyorezo.

Coronavirus yagaragaye bwa mbere mu Mujyi wa Wuhan mu Bushinwa mu Ukuboza 2019; kuri ubu 19 139 791 bamaze kuyandura ku Isi yose, barimo 714 236 yahitanye mu gihe 12 279 179 bamaze kuyikira.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .