Abantu 10 banduye Coronavirus mu Rwanda, 22 ni bo bayikize

Yanditswe na Ishimwe Israel
Kuya 16 Nzeri 2020 saa 09:33
Yasuwe :
0 0

Abantu 10 basanzwemo COVID-19 mu bipimo 1603 byafashwe kuri uyu wa Gatatu bituma umubare w’abamaze kwandura uba 4634 mu gihe 22 ari bo bayikize, abamaze gukira bagera ku 2789.

Minisiteri y’Ubuzima yatangaje ko abarwayi bashya bagaragaye barimo batanu bapimwe bibasiwe kurusha abandi muri Kigali, Bugesera (1), Burera (1), Gatsibo (1), Gicumbi (1) na Nyamagabe (1).

Tariki 14 Werurwe 2020 nibwo Minisiteri y’Ubuzima yemeje ko Umuhinde wageze mu gihugu ku wa 8 Werurwe 2020 avuye i Mumbai, yasanganywe icyorezo cya COVID-19 giterwa n’agakoko gashya ka Coronavirus.

Kuva COVID-19 igaragaye mu Rwanda, hamaze kuboneka abantu 4634 bayanduye mu bipimo 468 121 bimaze gufatwa. Muri bo 2789 barasezerewe nyuma yo gupimwa bagasangwa nta bwandu bwayo bukiri mu maraso yabo mu gihe 1823 bakirwaye. Abantu 22 nibo bamaze guhitanwa n’iki cyorezo.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .