Abo 22 bagaragaweho Coronavirus bari hagati y’imyaka 24 na 73, muri bo 17 ni abagabo mu gihe batanu ari abagore. Umubare munini ni abaturuka i Nairobi.

Abamaze gukira iki cyorezo muri iki gihugu ni 383 mu gihe abamaze gupfa bo biyongereyemo umuntu umwe bakagera kuri 51.

Mu bindi bihugu byo mu Karere, u Rwanda rumaze kugira abantu 327 banduye na 237 bakize. Tanzania yo imaze ibyumweru bibiri idatangaza amakuru mashya kur iyi ndwara ariko imibare iheruka ku wa 8 Gicurasi yagaragazaga ko abanduye ari 509 mu gihe abapfuye bari 21 naho abakize ari 183.

Mu Burundi naho imibare iheruka ku wa 18 Gicurasi, igaragaza ko abantu 42 aribo banduye Coronavirus, umwe agapfa naho abakize bari 20.

Muri Uganda ho abamaze kwandura ni 198, abakize ni 68, nta n’umwe urapfa. Muri Repubulika Iharanira Demokarasi ya Congo ho imibare y’abamaze kwandura ni 2141, abapfuye ni 63 mu gihe abamaze gukira ari 317, bituma kiba igihugu cyibasiwe cyane n’iki cyorezo mu bihana imbibi n’u Rwanda.

Muri Kenya, Coronavirus ikomeje kwibasira ibice byose by'igihugu