Abagore babiri b’i Kigali bishwe na Coronavirus, abayikize ni 75

Yanditswe na IGIHE
Kuya 25 Mata 2021 saa 11:30
Yasuwe :
0 0

Mu masaha 24 yashize, abantu babiri bishwe na Coronavirus mu Rwanda, abayanduye biyongereyeho 58 mu gihe abakize ari 75.

Itangazo rya Minisiteri y’Ubuzima ryerekanye ko kuri uyu munsi abishwe na Coronavirus ari abagore babiri b’imyaka 65 na 67 bo mu Mujyi wa Kigali.

Abantu 58 basanganywe Coronavirus, batumye umubare w’abamaze kwandura mu Rwanda uba 24.5 93 mu bipimo 1.289.120 birimo 4.341 byafashwe uyu munsi.

Abarwayi bakize biyongereyeho 75, abamaze gukira bagera kuri 22.941 mu gihe abakirwaye ari 1.322, barimo batandatu barembye. Umubare w’abamaze kwitaba Imana ni 330.

Kugeza kuri uyu wa 25 Mata 2021 hamaze gukingirwa abantu 349.702 kuva ku wa 5 Werurwe ubwo urukingo rwa Coronavirus rwatangiraga gutangwa mu gihugu hose.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .