Afurika yaranduye burundu indwara y’imbasa

Yanditswe na Ishimwe Deborah
Kuya 25 Kanama 2020 saa 09:30
Yasuwe :
0 0

Nyuma y’igihe ibihugu bya Afurika n’umugabane muri rusange biharanira gukurwa ku rutonde rw’ibihugu bikigaragaramo imbasa, kuri uyu wa 25 Kanama, Komisiyo ishinzwe gutanga ibyemezo mu Karere ka Afurika, Africa Regional Certification Commission (ARCC) yatangaje ko Afurika yigaranzuye iyi ndwara.

Ibi Afurika ibigezeho nyuma y’imyaka ine nta murwayi n’umwe w’imbasa ugaragara kuri uyu mugabane.

Imbasa ni indwara ikunze kwibasira abana bari munsi y’imyaka itanu, aho yakunze kugaragara cyane mu bihugu bya Afurika birimo Nigeria, Cameroun, Centrafrique na Sudani y’Epfo.

Nyuma y’igihe iyi ndwara yarabaye karande kuri uyu mugabane, Nigeria nicyo gihugu cya nyuma cyatangajwe ko cyigaranzuye iyi ndwara nyuma yo kumara imyaka itatu nta murwayi n’umwe ugaragaweho imbasa.

Umuyobozi wa ARCC, Rose Gana Fomban Leke, yavuze ko ashimishijwe no gutangaza iyi nkuru nziza.

Yagize ati “Uyu ni umunsi w’amateka kuri Afurika, ARCC inejejwe no gutangaza ko aka gace kujuje ibigenderwaho kugira ngo byemezwe ko indwara y’imbasa yaranduwe kuko mu myaka ine nta murwayi n’umwe w’iyi ndwara wagaragaye.”

Nubwo kuri uyu munsi aribwo byemejwe ko Umugabane wa Afurika wahashyije imbasa hari hashize imyaka 27 nta murwayi w’iyi ndwara ugaragaye mu Rwanda kuko uwa nyuma yagaragaye mu 1993, ndetse kuri ubu mu Rwanda abana 93% barayikingiwe kandi inkingo bazihawe neza.

Indwara y'imbasa yazahazaga cyane abana bari munsi y'imyaka itanu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .