00:00:00 IGIHE NETWORK KN KINYARWANDA EN ENGLISH FR FRANCAIS

Uko Cogebanque yabereye abayigana inzira yo guhangana n’ibihe bidasanzwe binyuze mu kwizigama

Yanditswe na Dufitumukiza Salathiel
Kuya 27 Ukwakira 2021 saa 02:05
Yasuwe :
0 0

Kugira ngo umuntu atere imbere bimusaba gukora cyane akenshi, ariko ibyo ntibiba bihagije kuko utamenye kwizigama ibyo winjiza ukabisesagura ntibimara kabiri.

Bumwe mu buryo bwo kwizigama bijyanye n’igihe ni ugukorana na banki. Abakiliya ba Cogebanque ni abatangabuhamya beza kuri iyi ngingo ku buryo babisobanurira utabyumva akagira icyo atahana.

Magingo aya, iyo banki ifite uburyo butanu bwo kwizigama binyuze muri Konti Teganya, Konti Nteganyiriza Minuze, Konti Iyubakire, Konti Shobora ndetse n’ubwizigame bw’igihe kirekire.

Iyamuremye Antoine ushinzwe Iyamamazabikorwa muri Cogebanque, yasobanuye ko “Konti Teganya” ishamikiye ku y’umukiliya ishobora kubitswaho amafaranga ayo ari yo yose.

Ati “Uyikoresha abitsaho igihe cyose kandi agakomeza kungukirwa bitewe n’amafaranga ayiriho. Amafaranga yazigamwe atangira kubyara inyungu iyo angana na 50.001 Frw.”

Uwineza ni umwe mu bakiliya bakoresheje ubu buryo. Mu kiganiro kigufi na IGIHE, yavuze ko mu myaka itatu amaze abuk0resha bwamuzamuriye urwego agera ku rushimishije.

Ati “Natangiye nizigama 500.000 Frw, banki iranyungukira. Iyo nyungu ni yo nakoresheje ngura ibikoresho nifashisha mu bikorwa byanjye. Uko banyungukiraga byatumye ngenda ndushaho kwizigama cyane ko mbona bimfasha.”

“Konti Nteganyiriza Minuze” ifasha abategura ahazaza h’abana babo mu masomo, aho buri kwezi babazigamira amafaranga. Bashobora kongera umubare w’ubwizigame igihe babishakiye, bikabaha amahirwe yo kubona inyungu ihanitse.

“Konti Iyubakire” yo yashyizweho nk’igisubizo ku bakeneye kubaka no kuvugurura inzu. Uyifunguye ashyiraho 35.000 Frw [ashobora kurenga] akayaheraho yongera ubwizigame bwe.

Buri kwezi asabwa kwizigama nibura 15.000 Frw. Nyuma y’imyaka ine uwizigamye kuri iyo konti ahabwa amahirwe yo kugabanyirizwa ku nyungu yishyurwa ku nguzanyo yo gutunga inzu. Uko abitsa amafaranga menshi bimuha ubushobozi bwo kubona inyungu nyinshi.

“Konti Shobora” ifasha abakiliya ba banki gushyira mu bikorwa imishinga itandukanye nko kugura ibikoresho byo mu rugo, gutegura ibirori, kugura imodoka, gukora ingendo n’ibindi.

Uyifunguye ashyiraho 15.000 Frw nk’ifatizo (ashobora kurenga), buri kwezi akazigama nibura 10.000 Frw. Nyuma y’imyaka itatu aba ashobora kugabanyirizwa ku nyungu yishyurwa ku nguzanyo yerekeye imishinga yose.

Iyamuremye yavuze ko ubwizigame bw’igihe kirekire (Term deposit/ (Compte bloqué) bwo bufasha umukiliya kwizigama amafaranga runaka mu gihe yahisemo kandi agahabwa inyungu yumvikanyeho na banki.

Yasobanuye ko uwayifunguje ahabwa icyangombwa cyerekana ubwizigame bwe ndetse n’ubujyanama nta kiguzi ndetse uko azigamye menshi ni ko n’inyungu izamuka.

Inyungu n’amahirwe abakiliya ba Cogebanque babonera mu kwizigama

Konti za Cogebanque abakiliya bakoresha zose, zihuriye ku kubafasha kuzigama amafaranga mu buryo bworoshye, butekanye kandi nta mufuragiro w’ukwezi zicibwa ndetse zirungukirwa.

Iyamuremye yagaragaje ko muri rusange kwizigamira bifasha umukiliya kugera ku ntego yiyemeje kandi agahabwa na banki ubujyanama ku igenamutungo nta kiguzi aciwe.

Mugisha Japhet umaze imyaka irenga irindwi yizigama muri Cogebanque, yabwiye IGIHE ko inyungu yabyo ku mukiliya irenze kwiteza imbere ahubwo bituma banki inamugirira icyizere.

Ati “Ntabwo wabwira banki mu magambo gusa ngo bitume ikwizera. Iyo ibona wizigama kandi ubwizigame bwawe bukiyongera, nayo ibona ko uri kumwe nayo ikakwizera ku buryo cya gihe cyo kwaka inguzanyo iyo kigeze itagushidikanyaho. Ikindi uko wizigama menshi, biguha amahirwe yo kugirirwa icyizere cyo kugurizwa menshi.”

Ku ruhande rwa banki, Iyamuremye yavuze ko imwe mu ntego zayo ari ugufasha abakiliya kwiteza imbere bityo kwizigama akaba ari bumwe mu buryo buyifasha kugera kuri iyo ntego.

Umukiliya ushaka kwizigama na Cogebanque asabwa iki?

Umukiliya wese ushaka kwizigimira yegera ishami rya banki cyangwa uburyo bw’itumanaho bwashyizweho (umurongo utishyuzwa 5050 cyangwa imbuga nkoranyambaga), agahabwa ibisobanuro birambuye kuri konti zo kuzigama.

Ashingiye ku ntego ye, yihitiramo gufunguza konti yo kuzigama imunogeye. Asabwa ibimuranga birimo indangamuntu n’ifoto ngufi, byaba akarusho agahita atangira urugendo rwo kubitsaho amafaranga bitewe n’ubwoko bwa konti yahisemo.

Abahanga mu by’ubukungu berekana ko kwizigama ari urugendo rusaba nyirarwo kubanza kumva akamaro karwo no kwiha intego.

Kuri ubu, uko imyaka ishira indi igataha abagana banki barushaho kubyumva no kubyitabira.

Abakiliya ba Cogebanque n’Abaturarwanda muri rusange basabwe kwiga umuco wo kwizigama kuko uretse kuba bifasha mu kwiteza imbere no guteganyiriza ahazaza (kuzigamira abana, umushinga), binagoboka uwagize ingorane zitunguranye nk’uko byagaragaye muri ibi bihe bya COVID-19.

Cogebanque ifite ubwoko butandukanye bwa konti zifasha abakiliya bayo kuzigama
Ababyeyi bafashwa guteganyiriza abana babo ahazaza habo binyuze mu burezi
Ushobora kwizigama buhoro buhoro bikagufasha kubona inguzanyo yo kubaka
Abakiliya ba Cogebanque bashima uko bafashijwe kwizigamira mu byiciro bitandukanye
Kuri Konti Teganya, hashyirwaho amafaranga ayo ariyo yose ndetse uyibikijeho ahabwa inyungu

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .