RSSB yagaragaje ko imirimo mishya yahanzwe iri mu byatumye abishyura ubwishingizi bw’izabukuru biyongera

Yanditswe na Habimana James
Kuya 24 Kanama 2019 saa 12:53
Yasuwe :
0 0

Ikigo cy’Igihugu cy’Ubwiteganyirize mu Rwanda, RSSB, cyatangaje ko umubare w’abishyuye ubwiteganyirize bw’izabukuru biyongereye muri uyu mwaka, ibi bikaba bigaragaza ko imirimo ikomeje kwiyongera mu Rwanda buri mwaka.

Ibi byagarutsweho ubwo RSSB yagaragazaga uko yitwaye mu ngengo y’imari 2018-2019.

Iki kigo cyatangaje ko cyabonye abakozi bashya 133,026 basabye guhabwa ubwiteganyirize bw’izabukuru muri uyu mwaka.

RSSB yagaragaje ko mu 2017-2018 abasabye ubwiteganyirize bw’izabukuru bari 109,287 naho mu 2016-2017 bari 103,444.

Umuyobozi ushinzwe imisanzu muri RSSB, Joseph Nduwamungu, yabwiye The New Times ko ibyatumye abakozi basaba ubwiteganyirize biyongera, ari ukubera imirimo myinshi yahanzwe mu gihugu ndetse no kuba umuco wo kwizigamira mu zabukuru ugenda wiyongera.

Yagize ati “Iyo imirimo ihanzwe abakozi bashya nabo baza gusaba ubwishingizi, icya kabiri gituma byiyongera ni ukubera gusobanukirwa kw’abakozi n’abakoresha ibyiza byo kuzigamira iza bukuru, impanuka zo mu kazi n’ikirihuko cyo kubyara, naho icya gatatu ni ubukangurambaga bukorwa buri gihe.”

Nduwamungu yavuze ko ibi byose aribyo bikomeje gutuma ubwiyongere bw’abasaba ubwishingizi biyongera, ariko cyane cyane imirimo mishya yiyongereye.

U Rwanda rufite intego yo guhanga imirimo miliyoni 1.5 kugeza mu 2024 ariko buri mwaka igahanga igera ku bihumbi 214.

Nduwamungu yavuze ko mu gihe imirimo mishya ikomeje guhangwa buri mwaka, hari icyizere ko abazigamira izabukuru nabo bazakomeza kwiyongera.

Yagize ati “Dufite icyizere ko aba bantu bazakomeza kwiyongera kuko abakozi bashya nabo bakomeje kuva ahantu hatandukanye, kuri twe nka RSSB kandi tworoheje uburyo bwo kwiyandikisha kuri kuko ntibikenewe ko umukozi aza hano, yanakoresha uburyo bw’ikoranabuhanga aciye ku rubuga rwacu rwa internet.”

Umuyobozi Mukuru wa RSSB, Richard Tusabe yavuze ko ishoramari ry’iki kigo ryageze kuri tiriyari imwe y’amafaranga y’u Rwanda.

RSSB ivuga ko abasaba ubwishingizi bw'izabukuru bakomeje kwiyongera

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza