Ibyo wamenya kuri serivisi Unguka Bank igenera abayigana zikabahindurira amateka

Yanditswe na Evariste Nsengimana
Kuya 26 Gashyantare 2020 saa 07:25
Yasuwe :
0 0

Impuguke mu by’ubukungu n’ishoramari zigaragaza ko uburyo bw’ibanze bwafasha buri muntu gukabya inzozi ze z’ubukire ari ugukorana n’ibigo by’imari, bikamufasha kubika no gucunga neza amafaranga cyangwa kubona ayo atangiza cyangwa yaguza imishinga.

Nta gushidikanya ko abahisemo gukorana na Unguka Bank ari bamwe mu batanga ubuhamya bw’urwego rumwe bavuyeho bakagera ku rundi rushimishije, mu bijyanye no gushyira mu bikorwa imishinga bafite mu by’ishoramari.

Unguka Bank ni ikigo cy’imari gikorera mu Rwanda kuva ku wa 30 Mutarama 2005, aho cyatangiye ari ikigo cy’imari iciriritse. Icyo gihe gihe cyatangiranye amashami abiri gusa, rimwe ryari i Remera irindi riri Nyabugogo mu Mujyi wa Kigali.

Icyo gihe icyicaro gikuru cyari Nyabugogo ariko kiza kwimukira i Remera mu 2006, nyuma cyimukira mu Mujyi rwagati muri 2011. Ku wa 6 Mata uwo mwaka nibwo inama nkuru ya Banki Nkuru y’u Rwanda, BNR, yahaye Unguka Bank icyemezo kiyemerera kuba banki iciriritse, Microfinance bank.

Ibyo wamenya ku banyamigabane

Muri rusange Unguka Bank ifite abanyamigabane batatu barimo Unguka Investiment Group ifitemo imigabane ingana na 51.02%, RIF II ifitemo imigabane ingana na 28.34% na PEAMEF ifitemo imigabane ingana na 20.64%.

Iki kigo cy’imari cyatangiranye n’amashami abiri gusa ariko uko imyaka igenda ishira niko kirushaho kwigarurira imitima ya benshi. Ibi bigaragazwa n’uburyo kigenda kigaba amashami hirya no hino, aho muri rusange kimaze kugira agera kuri 15, aherereye mu turere icyenda.

Muri rusange Unguka Bank ifite amashami atandatu mu mujyi wa Kigali arimo iryihariye, iryo mu isoko rya Nyarugenge, irya Nyabugogo, irya Remera, irya Kimironko n’irya Kabuga. Mu Ntara hari ishami rya muhanga, irya Rusizi, irya Gakenke, irya Musanze, irya Kora, irya Mahoko, irya Kinigi, n’abiri ari i Rubavu.

Unguka Bank ifite icyerekezo cyo kuba banki abanyarwanda bahitamo kandi yizewe. Intego yayo ni ugutanga serivisi nziza kandi zihuse, zishingiye ku byifuzo by’abakiriya bayo mu karere.

Iki kigo cy’imari gifite indangagaciro zigaruka ku ‘Icyizere, Kuzuza inshingano, Ubunyamwuga, Ubunyangamugayo no Gukorera hamwe. Naho amahame akaba Iterambere n’uburumbuke/ubutunzi.

Umwihariko wa serivisi

Unguka Bank ni kimwe mu bigo bifite umwihariko mu gutanga serivisi zihuse kandi zinogeye abakiliya zirimo izo kubitsa amafaranga, kuyabikuza cyangwa gutanga inguzanyo zifasha abantu gushyira mu bikorwa imishinga bafite, ikabafasha kwiteza imbere.

Mu bijyanye no kubitsa cyangwa kwizigama, iki kigo cy’imari kimaze kwigarurira imitima ya benshi kubera umutekano w’amafaranga yabo. Kigira konti zitandukanye zirimo iy’umuntu ku giti cye, iya sosiyeti nini n’into na konti z’abanyeshuri.

Umuntu ashobora guhitamo kwizigamira by’igihe gito ndetse n’ibyigihe kirekire bijyanye n’uko abishaka, kuzigamira abana, kuzigamira amashuri cyangwa kuzigamira umushinga.

Serivisi z’ inguzanyo

Iki kigo cy’imari kimaze gushinga imizi mu Rwanda, gitanga inguzanyo z’amoko atandukanye zirimo izihabwa umuntu ku giti cye nk’inguzanyo ku mushahara, inguzanyo ifasha abakikiya kubaka cyangwa kugura inzu, iy’ubucuruzi buto n’ubuciriritse, iy’ubucuruzi bunini, iz’ubuhinzi n’ubworozi n’izindi.

Unguka Bank inagira serivisi ikunzwe cyane yo kohereza amafaranga mu gihungu no hanze yacyo kandi mu kanya nk’aho guhumbya. Iyi Banki kandi ishyize imbere serivisi z’ikoranabunga aho ushobora kubona serivisi z’imari zitandukanye wifashishije telefone igendanwa.

Igira kandi uburyo umukiliya amenyeshwa ibikozwe kuri konti ye mu butumwa bugufi bizwi nka ’SMS alert’ n’ubwo guhuza konti ye na Mobile Money, bukamufasha gukura amafaranga hamwe ayashyira ahandi (Push and Pull).

Unguka Bank inagira serivisi yo kuvunja amafaranga y’ibihugu bitandukanye, ifasha cyane abakora ubucuruzi bwambukiranya umupaka cyangwa abafite abavandimwe hanze y’igihugu bohererezanya amafaranga, iyo kwishyura imisoro hifashishijwe ikoranabuhanga, kohererezanya amafaranga hagati y’abari mu Rwanda no hanze yarwo, imashini zifashishwa mu kwishyura ibicuruzwa (POS) n’ibindi.

Inagira ibikoresho byifashishwa muri banki, ikarita yo kubikuza no kwishyura, udutabo twa sheki, impapuro zo kubikuza, agatabo k’amabwiriza yo kwishyura n’ibindi.

Iki kigo cy’imari kandi gikunze gushyira amakuru yerekeye serivisi z’imari gitanga ku mbuga nkoranyambaga zacyo zirimo Twitter, Facebook, Instagram, YouTubena LinkedIn. Unguka Bank inagira umurongo utushyurwa ariwo 9195 abantu bashobora guhamagaraho abakozi bayo mu gihe bagize ikibazo runaka cyangwa bagasura urubuga rwayo.

Ubuyobozi bwa Unguka Bank bwizeza abakiliya bayo gukomeza kubaha serivisi nziza

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .