00:00:00 IGIHE NETWORK KN KINYARWANDA EN ENGLISH FR FRANCAIS

Batewe impungenge n’aho isoko rya Gikondo rigiye kwimurirwa

Yanditswe na

Umurerwa Emma-Marie

Kuya 22 November 2012 saa 08:36
Yasuwe :

Mu gihe ubuyobozi bw’Akarere ka Kicukiro buvuga ko bugiye gutangiza imirimo yo kubaka isoko rya kijyambere rya Gikondo, abarikoreragamo barimurirwa aho rizaba riri mu buryo bw’agateganyo kuko bavuga ko hadatunganyije neza.
Aba bacuruzi bavuga ko ahagiye kwimurirwa iri soko ari ahantu ku gasozi, kandi hatatunganyijwe nk’ahantu hagiye kwimurirwa isoko koko.
Aba bacuruzi babarirwa hagati ya 350 na 400 byari biteganyijwe ko barivamo tariki ya mbere Ugushyingo 2012 kugira ngo imirimo yo kurisana (...)

Mu gihe ubuyobozi bw’Akarere ka Kicukiro buvuga ko bugiye gutangiza imirimo yo kubaka isoko rya kijyambere rya Gikondo, abarikoreragamo barimurirwa aho rizaba riri mu buryo bw’agateganyo kuko bavuga ko hadatunganyije neza.

Aba bacuruzi bavuga ko ahagiye kwimurirwa iri soko ari ahantu ku gasozi, kandi hatatunganyijwe nk’ahantu hagiye kwimurirwa isoko koko.

Aba bacuruzi babarirwa hagati ya 350 na 400 byari biteganyijwe ko barivamo tariki ya mbere Ugushyingo 2012 kugira ngo imirimo yo kurisana ibone uko itangira.

Abaganiriye na IGIHE batangaje ko igikorwa cyo kubaka isoko rya Gikondo ku buryo bugezweho bacyumva kandi bacyishimiye, ariko ngo batewe impungenge n’aho benda kwimurirwa by’agateganyo hadatunganyijwe.

Bavuga ko aho benda kwimurirwa hari hasazwe hari isoko ry’amakara, hakaba kandi hadasakaye ari ku gasozi.

Aba bacuruzi ngo bagiye batanga amafaranga 2000 buri wese kugira ngo haboneke amafaranga yo kwishyura imashini izahatunganye, ariko ngo bafite ikibazo cy’isakaro.

Uwitwa Mukamunana, ni umwe muri bo ugira ati “Ubuyobozi bw’Umurenge wa Gikondo n’Akarere ka Kicukiro bakwiye kudufasha aho hantu hakajya isakaro kugira ngo ibicuruzwa bitazangirika.’’

Gusa ariko kwisakarira byaba byari mu masezerano. Bushishi Gaspard, umujyanama w’abacururiza muri iri soko, avuga ko ubuyobozi bw’Umurenge bwabemereye ko aho hantu buzahashyira ibikorwa remezo by’ibanze (imisarane, amashanyarazi ndetse n’amazi), ariko ngo isakaro buri wese azirwariza kubera ko batakubaka amasoko abiri icyarimwe.

Asobanura kuri iki kibazo, Umunyamabanga Nshingwabikorwa w’Umurenge wa Kigarama Kaboyi Jean Bosco ati “Mu gihe bazaba bimukiye muri iri soko by’agateganyo nta musoro w’ubukode bazatanga, ariko ko bazajya batanga umusoro usazwe wa Leta.” Ibi yasobanuye ko babiganiriyeho n’ubuyobozi bw’akarere bakemeza ko bigenda gutya kuko hari ibikorwa byinshi byo gukora, abacuruzi na bo bakisakarira.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .