StarTimes yatangije poromosiyo yiswe ‘Inyongera’

Yanditswe na Mukahirwa Diane
Kuya 15 Ugushyingo 2020 saa 04:58
Yasuwe :
0 0

Sosiyete y’Ikoranabuhanga, StarTimes yatangije poromosiyo yise ‘Inyongera’, izamara amezi abiri, aho uguze abonema azajya ahabwa indi minsi yisumbuye yo gukomeza kureba.

Muri iyi minsi, ibikorwa by’imyidagaduro nk’ibitaramo, siporo n’ibindi bihuza abantu benshi mu ruhame byarahagaritswe mu kwirinda ikwirakwira rya COVID-19.

Ni ingamba zatumye abantu benshi bayoboka ikoranabuhanga nk’uburyo bwo gukomeza kumara irungu abakunzi babo no kubegereza ibikorwa batemerewe kureba.

Kuri ubu byaba ibitaramo ndetse n’imikino itandukanye, umuntu ashobora kubikurikirana ari iwe mu rugo imbere ya televiziyo ye cyangwa agakoresha telefoni ye igendanwa.

Muri iki gihe hitegurwa iminsi mikuru ya Noheli n’Ubunani, StarTimes yashyizeho poromosiyo yise ‘Inyongera’ aho umufatabuguzi agura abonema y’amezi abiri akongezwa igihe cyo kwishyura nta kiguzi atanze.

Iyi poromosiyo izatangira ku wa 15 Ugushyingo mu 2020 isozwe ku wa 15 Mutarama 2021.

Ku bafatabuguzi ba Nova cyangwa Smart bazajya bagura abonema y’amezi abiri hanyuma barebe amezi abiri y’abonema yisumbuyeho. Naho ku bafatabuguzi ba Classic, Unique cyangwa Super, bazajya bagura abonema y’amezi abiri, bongezwe iminsi 10 y’ubuntu.
Uguze iyi abonema abasha kubona shene zitandukanye za StarTimes harimo izerekana imikino zikunzwe cyane aho uwayiguze abasha gukurikira amashene yerekana imikino itandukanye ku Isi nka ST World Football, Sports Premium na ESPN.

Abareba filime nabo bashobora kugura iyi abonema bakareba shene zitandukanye zerekana filimi nka TNT, PBO, TLNovelas, FOX, aho wakurikirana filime z’uruhererekane zikunzwe cyane nka The Heiress, Betrayal, Black Money, To Die for love, Beyond the sex, Since I found you n’izindi.

Abana nabo ntabwo StarTimes yabirengagije kuko yabageneye shene nziza nka Cbeebies, Toonami, Dreamworks n’izindi nyinshi basangaho filime ndetse n’inyigisho zibagenewe.

Usibye kandi ibijyanye n’imyidagaduro, ufite StarTimes ntacikwa n’amakuru kuri shene zitandukanye nka RTV, CNN, BBC, France 2, TV5 Monde, n’izindi nyinshi zitanga ishusho y’ibyabereye ku Isi hose.

StarTimes ni sosiyete ya mbere muri Afurika mu bijyanye n’isakazamashusho rya Televiziyo kuko ifite abafatabuguzi basaga miliyoni 13, n’abandi basaga miliyoni 20 bayikurikirana kuri Internet. Ikorera mu bihugu 37 muri Afurika, ikagira channels za televiziyo zirenga 600 zerekana amakuru, filime, siporo, imyidagaduro, umuziki, porogaramu z’abana n’ibindi.

StarTimes yatangije poromosiyo yiswe Inyongera, izamara amezi abiri

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .