00:00:00 IGIHE NETWORK KN KINYARWANDA EN ENGLISH FR FRANCAIS

‘SORAS Towers’, umuturirwa mushya ugiye kuzamurwa mu murwa mukuru

Yanditswe na

Mazimpaka Jean Pierre

Kuya 11 November 2014 saa 12:16
Yasuwe :

Sosiyete y’Ubwishingizi ‘SORAS’ yizihiza isabukuru y’imyaka 30 imaze iha serivise Abanyarwanda, ibikorwa byayo ntibigarukira mu gutanga ubwishingizi gusa no mu bikorwaremezo ishoramo.
SORAS igiye kubaka umuturirwa mu Mujyi wa Kigali, SORAS Towers, uzaba ufite amagorofa 10. Ubuyobozi bw’iyi sosiyete bwerekana ko uzagaragaza ko SORAS ifite umutungo uhagije, kimwe mu bituma abantu bayigana bayigirira icyizere.
Kuva SORAS yatangiraga mu mwaka 1984 nk’ikigo cya mbere cy’ubwishingizi cy’abikorere (...)

Sosiyete y’Ubwishingizi ‘SORAS’ yizihiza isabukuru y’imyaka 30 imaze iha serivise Abanyarwanda, ibikorwa byayo ntibigarukira mu gutanga ubwishingizi gusa no mu bikorwaremezo ishoramo.

SORAS igiye kubaka umuturirwa mu Mujyi wa Kigali, SORAS Towers, uzaba ufite amagorofa 10. Ubuyobozi bw’iyi sosiyete bwerekana ko uzagaragaza ko SORAS ifite umutungo uhagije, kimwe mu bituma abantu bayigana bayigirira icyizere.

Kuva SORAS yatangiraga mu mwaka 1984 nk’ikigo cya mbere cy’ubwishingizi cy’abikorere kigeze mu Rwanda, yakomeje kuza ku isonga mu gutanga serivisi nziza z’ubwishingi.

Mu gihe hizihizwa isabukuru y’imyaka 30, SORAS iragaragaza ko mu mishinga minini ifite harimo kubaka umuturirwa uzagaragaza ubushongore n’ubukaka bwayo. Iyi nzu ndende ikazubakwa ahateganye na Kiliziya ya St Michel. Imirimo y’ubwubatsi iteganijwe gutangira mu Kuboza uyu mwaka.

Mu kiganiro kirambuye na IGIHE, Umuyobozi w’Inama y’ubutegetsi ya Groupe SORAS, Mporanyi Charles, yavuze ko uwo muturirwa ari umwe mu mishinga minini bafite biteguye gushoramo imari.

Yagize ati“Mu ishoramari dufite umushinga munini tugiye gukora w’ubwubatsi. Turateganya kubaka inzu y’umuturirwa nini izaba ifite amagorofa 10 n’ inzu 2. Tuzayita “SORAS Towers”, iyi nzu izaba igaragaza uburambe bwa sosiyete n’inyungu zayo n’uburyo ikwiriye kwizerwa.”

Uretse uyu mushinga wo kubaka umuturirwa, SORAS ifite n’indi mishinga minini irimo no gukomeza kwagura ikoreshwa ry’ikoranabuhanga.

Mporanyi yagize ati “Ikindi tugiye kwibandaho ni ukongera ikoranabuhanga. Turashaka gukoresha ikoranabuhanga risesuye rya “E-Business” ku buryo tuzajya dukorana n’abakiriya bacu bari iwabo, bakabona serivisi z’ubwishingizi batagombye kuza kuri SORAS. Ibi twarabitangiye muri uku kwezi kandi birimo kugenda neza.”

SORAS igaragaza ko gukoresha ikoranabuhanga, kuzana serivisi nshya z’ubwishingizi zitari zimenyerewe mu Rwanda nk’ubwishingizi bw’ubuzima n’ubw’ubuhinzi no gutanga serivisi zinoze kandi zihuse aribyo byayifashije gukomeza kuba "Ingabo y’amahina" nk’uko icyivugo cyayo kibivuga.

Igishushanyo mbonera cya SORAS Towers

Uyu muturirwa wa SORAS uje usanga izindi nyubako za SORAS zirimo ALTIS Apartment iherereye mu mugi wa Kigali rwagati na Residence Prima 2000 iherereye ku Kacyiru.

SORAS imaze kugira amashami 27 hirya no hino mu gihugu. Abakozi bayo bamaze kugera kuri 300, abakiriya bayo bo biyongera umunsi ku wundi. Bo bageze ku 407,000.

SORAS kuri ubu icuruza miliyari 15 z’amafaranga y’u Rwanda buri mwaka.

Tariki ya 15 Ugushyingo, 2014 SORAS izizihiza isabukuru y’imyaka 30 imaze itanga serivisi z’ubwishingizi ku Banyarwanda.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .