Qatar Airways yagabanyije 20% ku biciro by’amatike y’indege

Yanditswe na Evariste Nsengimana
Kuya 8 Mutarama 2019 saa 04:00
Yasuwe :
0 0

Abakiliya ba Sosiyete itwara abantu n’ibintu mu ndege, Qatar Airways, bagabanyirijwe 20% ku biciro by’amatike y’indege zijya mu byerekezo bitandukanye yaba ibisanzwe n’ibishya ku migabane yose.

Iri gabanyirizwa rizahabwa abakiliya bazagura amatike hagati yo ku wa 7-16 Mutarama 2019, bashaka gukora ingendo guhera ku wa 7 Mutarama kugeza ku wa 20 Gicurasi uyu mwaka.

Ubuyobozi bwa Qatar Airways buvuga ko abagenzi baguze amatike mu gihe cy’iri gabanyirizwa bazakurirwaho 20% ku giciro gisanzwe cy’urugendo, bakanahabwa amanota 50% y’inyongera ahesha ibihembo abagenzi bakora ingendo ndende bari mu myanya isanzwe, mu gihe mu myanya y’ubucuruzi (business class) bazakubirwa kabiri (Qmiles and Qpoints bonus).

Buti “Twishimiye gutumira abagenzi bacu bose, gutangira gutegura ingendo nshya banyurwa n’iyi poromosiyo idasanzwe ibaha igabanuka mu myanya yose y’indege zose. Nta kibazo cy’aho umuntu yahitamo kwerekeza. Baramutse bakoresheje icyerekezo gishya bwa mbere, baba babaye abahamya b’inkuru utasanga ahandi.”

Yakomeje avuga ko ‘Hamwe n’iyi poromosiyo nshya, abagenzi bashobora kwihitiramo byoroshye ibindi byiza byo kugenda na Qatar Airways, ifite ibyerekezo bisaga 160’.

Ati “Turashaka kugeza i Doha (Umurwa mukuru wa Qatar) abatuye Isi yose, atari ukugira ngo bamenye byinshi ku kibuga mpuzamahanga cyacu cy’inyenyeri eshanu cya Hamad gusa, ahubwo ari no kugira ngo duhindure Qatar ahantu heza ho kuruhukira twabahitiramo.”

Kugira ngo abakiliya bagerweho n’iyi poromosiyo, bashobora gusura hano cyangwa bakanyarukira ahari ibiro byayo cyangwa abayihagarariye.

Qatar Airways ifite indege zisaga 200 zikora ingendo hirya no hino ku Isi. Mu 2018 yahawe ibihembo birimo; icy’ikigo cy’indege cyiza cy’ubucuruzi, indege zifite imyanya myiza y’ubucuruzi n’ikigo cy’indege cyiza mu Burengerazuba bwo hagati.

Qatar Airways yanatangiye gukorera mu mijyi ikomeye nka Gothenburg muri Suède, Mombasa muri Kenya na Da Nang muri Vietnam, irateganya no gufungura ibyerekezo bishya muri uyu mwaka birimo ibijya Valletta muri Malta na Isfahan muri Iran.

Qatar Airways yagabanyije 20% ku biciro by'amatike yo kujya mu byerekezo bitandukanye

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza