Muri Werurwe, ibiciro byari byiyongereye ku gipimo cya 6,5%.

Muri Mata, ibiciro byiyongereye bitewe ahanini n’ibiciro by’ibiribwa n’ibinyobwa bidasembuye byiyongereyeho 7,9%, ibiciro by’inzu, amazi, amashanyarazi, gazi n’ibindi bicanwa byiyongereyeho 3,3%, ibiciro by’ibijyanye n’ubwikorezi byiyongereyeho 3,8% n’ibiciro by’amafunguro n’icumbi byiyongereyeho 14,7%.

Ugereranyije Mata 2025 na Mata 2024, ibiciro by’ibintu bitarimo ibiribwa n’ibikomoka ku ngufu byiyongereyeho 4,4%. Ugereranyije Mata 2025 na Werurwe 2025, ibiciro byiyongereyeho 1,2%. Iri zamuka ryatewe ahanini n’ibiciro by’ibiribwa n’ibinyobwa bidasembuye byiyongereyeho 2,7%.

Ibiciro ku masoko mu Rwanda byazamutse ku kigero cya 6,3% muri Mata 2025