Kimwe n’uko byagiye bigenda mu myaka yahise, muri uyu mwaka wa 2024 nabwo Leta y’u Rwanda yatanze ikiruhuko mu rwego rwo kwizihiza uyu munsi, ndetse ibigo bimwe na bimwe byateguye igisa n’ubusabane gihuza abayobozi n’abakozi.

Magingo aya, inzego z’abikorera ni zo ziri ku isonga mu gutanga akazi ku bantu benshi mu Rwanda bangana na 90,8%; iza leta zikurikiraho na 5% naho abakozi bo mu ngo bakaba bihariye 3,9%.

Ibarura rusange ryakozwe mu 2022 rigaragaza ko abantu bangana na 45,1% bari mu cyiciro cyo gukora ari urubyiruko ruri hagati y’imyaka 16-30 mu gihe 48% bari mu myaka 31-64 na ho 7% bari mu myaka kuva kuri 65 gusubiza hejuru.

Muri iyi nkuru turagaruka ku mafoto 50 agaragaza uburyo Abanyarwanda bakorana umuhate imirimo itandukanye babarizwamo irimo ubuhinzi, ubwarimu, ububahiji n’indi.

Ibikorwa byo kubaka ni bimwe mu bisigaye bitanga akazi cyane ku mubare munini w’Abanyarwanda bazi ibijyanye n’ubufundi

Benshi mu Banyarwanda bakunda inyama zo mu bwoko bwa sosiso ariko usanga ari bake bazirikana imbaraga bisaba mu gutegurwa iri funguro. Uyu musore n’inkumi bari mu bazobereye mu gukora sosiso

Ntawakwirengagiza uruhare rw’abamotari mu migendekere myiza y’indi mirimo kuko bafasha abakozi benshi kugera mu kazi

Bamwe mu Banyarwanda bamaze kugira ubumenyi buhambaye mu gusana ibikoresho by’ikoranabuhanga, aba bakorera ahazwi nko muri Kazi ni Kazi mu Mujyi wa Kigali

Iyo umusaruro umaze kuva mu murima, abanyonzi barifashishwa cyane mu kuwugeza ku isoko. Aha bari mu kazi ko kugeza ibirayi ku baguzi

Abayede bakora mu mirimo yo kuvugurura Stade Amahoro baba bagaragaza umwete mu kazi, cyane ko babyuka iyarubika bagataha ijoro riguye

Hirya no hino mu Gihugu habarizwa amasoko mato akoreramo abiganjemo ab’igitsina gore badasiba kugaragaza urukundo bafitiye akazi k’ubucuruzi

Abagore n’abakobwa bari mu biganje mu mirimo yo gucuruza imbuto hirya no hino mu gihugu, akazi usanga kabasaba kubyuka kare kugira ngo barangure izuba ritarava, banagurishe kare

Inzu yose irangije kubakwa, ikenera gusigwa irangi, akazi usanga abagakora bagaragaza umuhate ndetse ntibite k’uko bataha basa

Ubucuruzi bwa ‘canteen’ buri mu bukorwa cyane mu Gihugu. Aha uyu mugore yateguraga amata yo guha abakiliya

Amagare ntiyifashishwa gusa mu byaro, ahubwo no mu mijyi agira uruhare mu bwikorezi bw’ibicuruzwa

Benshi mu Banyarwanda bakunda igitoki bakwiriye kuzirikana n’ingufu bitwara kugira ngo kibagereho

Nubwo u Rwanda rumaze gutera imbere mu bijyanye n’ingufu, hari hake bagikoresha inkwi. Aba bagabo bo mu Karere ka Rutsiro bapakururaga inkwi

Inka ziri mu matungo akundwa cyane n’Abanyarwanda kandi ugasanga bazitaho by’umwihariko, bakamenya isaha baziha ibyo kurya no kunywa

Uruhare rw’abashoferi mu rwego rw’umurimo mu Rwanda ni ntagereranywa

Mu Karere ka Rusizi ubwato buri mu buryo bw’ingendo bwifashishwa cyane n’abaturage bava hakurya y’i Kivu bajya hakuno yacyo

Abakorodoniye bafasha benshi gusana inkweto zabo zigasubirana umwimerere wazo

Abaganga ni bamwe mu bakozi bagaragaza ubwitange budasanzwe mu kazi kabo, kuko baba bafite ubuzima bwa benshi mu biganza

Buri Munyarwanda ufite aho ageze yaciye imbere y’umwarimu, ni ingenzi kuzirikana agaciro kabo mu buzima bw’igihugu

Abarimu benshi usanga usanga bakorana umuhate n’ubwitange mu kurerera u Rwanda

Moto n’abamotari badahari akazi ka benshi kahungabana

Buri mwarimu bimusaba imbaraga kugira ngo abana yakiriye ntacyo bazi, bavemo abantu bafitiye igihugu akamaro

Akazi ko kubaza kari mu dusaba ingufu, ariko usanga abagakora batinuba ndetse ntibagire umunsi w’ikiruhuko

Gukanika ntabwo ari akazi koroshye, rimwe na rimwe ushobora no kwikomeretsa

Abayede bari mu bafasha abafundi kubona ibyo bakeneye hafi mu mirimo y’ubwubatsi

Buri munyeshuri akwiriye kuzirikana agaciro k’umwarimu

Nta musanzu w’abayede akazi k’ubwubatsi gashobora kugorana

Indabo ziri hirya no hino muri Kigali, hari abo bisaba imbaraga kugira ngo zibeho kandi zihore zitoshye

Hari abitanga kugira ngo u Rwanda rukomeze kumenyekana nk’igihugu kigira isuku kandi kibungabunga ibidukikije

Ntibigisaba ko umuntu akoresha imbaraga z’umurengera mu gukata itafari cyangwa ibuye, haje imashini zabigenewe

Hari abo izuba rirenga bakiri mu kazi

Hari ababyeyi benshi bihebeye umwuga w’ubudozi

Uyu musaza wihebeye akazi ko gukora ibikapu agaragaza umuhate n’urukundo rw’ibyo akora

Hatari abakora ububaji, benshi ntibabona ibikoresho byiza bigezweho

Ubworozi bw’ingurube buri gutezwa imbere mu Rwanda, hari abitanga kugira ngo bugende neza

Umuhate w’abagize Inteko Ishinga Amategeko mu gukurikirana ibibazo byugarije Abanyarwanda ni ingenzi

Amarerero ni kimwe mu byo u Rwanda rushyize imbere, abayakoramo bagakorana umuhate ngo abana b'u Rwanda bagire ejo heza

Abanyamakuru basabwa gukora cyane kugira ngo bageze ku Banyarwanda gahunda zitandukanye ziri mu gihugu

Ubudozi butunze benshi mu Rwanda

Ntibikiri igitangaza kubona Umunyarwandakazi wihebeye akazi k’ububaji

Mu Nteko hakorerwa byinshi bigena icyerekezo cy’Igihugu

Abanyonzi i Musanze bakora amanywa n'ijoro ngo batunge imiryango yabo

Imashini zidoda zizwi nk'icyarahani zitunze benshi

Akazi k'ubuvuzi gasaba umuhate n'ubwitange, ngo ubuzima bw'Abanyarwanda budahungabana

Hari umubare munani w’Abanyarwanda bakora akazi ko mu rugo kandi umusanzu wabo mu kubungabunga imibereho y’umuryango urigaragaza

Amafoto: Niyonzima Moses