Kurangiza kaminuza si byo bigira abacungamutungo abanyamwuga-ICPAR

Yanditswe na

IGIHE

Kuya 3 Ukuboza 2014 saa 02:30
Yasuwe :
0 0

Guhera tariki ya 1 kugeza tariki 5 Ukuboza, Ikigo cy’Igihugu gishinzwe guteza imbere umwuga w’Ibaruramari (ICPAR) cyatangiye gukoresha ibizamini haba ku banyeshuri n’abasanzwe bari mu kazi ariko bifuza kuba ababaruramari n’abacungamutungo b’umwuga (Certified Public Accountant (CPA).
Kuri ubu ibi bizamini byo kongera ubumenyi n’ubunyamwuga abanyeshuri n’abacungamutungo birakorerwa mu duce dutatu tw’u Rwanda; mu Mujyi wa Kigali, Akarere ka Huye na Nyagatare, ahasanzwe hanatangirwa aya masomo.
John (...)

Guhera tariki ya 1 kugeza tariki 5 Ukuboza, Ikigo cy’Igihugu gishinzwe guteza imbere umwuga w’Ibaruramari (ICPAR) cyatangiye gukoresha ibizamini haba ku banyeshuri n’abasanzwe bari mu kazi ariko bifuza kuba ababaruramari n’abacungamutungo b’umwuga (Certified Public Accountant (CPA).

Kuri ubu ibi bizamini byo kongera ubumenyi n’ubunyamwuga abanyeshuri n’abacungamutungo birakorerwa mu duce dutatu tw’u Rwanda; mu Mujyi wa Kigali, Akarere ka Huye na Nyagatare, ahasanzwe hanatangirwa aya masomo.

John Munga, Umunyamabanga mukuru wa ICPAR avuga ko mu Rwanda byinshi mu bibazo by’abakoresha nabi umutungo wa rubanda biterwa n’uko abacungamutungo baba bafite ubumenyi buke.

Munga ashimangira ko abenshi bava mu mashuri batangira akazi nta bunyamwuga bifitemo, iyi akaba ari na yo mpamvu ICPAR yaje guhugura abanyeshuri n’abandi bakozi ngo babe abanyamwuga.

Agira ati “Ibi bizamini dukoresha ni ukugira ngo abiga bagakora ibyo bizami bazavemo abakontabure b’umwuga. Abenshi mu banyeshuri dufite ubu ni abanyeshuri biga muri kaminuza n’abakozi bakora muri Leta tukabafasha kwiga kuba abacungamutungo babigize umwuga.”

Iki kigo cyaguye amashami no mu ntara z’igihugu, kivuga ko hakiri byinshi byo gukorwa kugira ngo abacungamutungo bo mu Rwanda barusheho gusobanukirwa ko bakwiye kwihugura mu masomo abasaba kuba abanyamwuga.

Agendeye ku rugero rw’ibihugu by’ibituranyi, Munga agira ati “N’ubundi bwose biga icungamutungo muri za Kaminuza ariko kurangiza kaminuza ntabwo ari byo bibagira abanyamwuga. Mu bihugu duturanye biratandukanye urubyiruko rurangiza amashuri yisumbuye rwarahisemo kujya kwiga kuba abacungamutungo b’umwuga, aho bakura ubunararibonye n’ubunyamwuga.”

Ni mu rwego rwo kurandura burundu ibibazo by’abakoresha nabi umutungo wa rubanda kubera ubumenyi buke bigenda bigabanuka; kandi iki kigo kikaba cyarahagurukiye no gutanga amasomo ku bari mu kazi.

Ikigo cya ICPAR cyashyizweho n’itegeko ryo mu mwaka wa 2008 ngo gikemure ibibazo by’ababarumari b’umwuga batabaga mu Rwanda, kuko harebwe hagasangwa hari abantu bize mu mashuri gusa ariko kubera ko isoko ryarimo ryaguka, kuko akenshi akazi kifatirwaga n’abanyamahanga kuko Abanyarwanda nta bumenyi bagiraga ugasanga barahezwa ku isoko ry’umurimo.

Banki y’Isi ni yo yatumye iki kigo kijyaho nyuma yo gusanga nta babaruramari b’umwuga b’Abanyarwanda bari mu Rwanda.

Mu rwego rwo kuzuza inshingano zacyo, ICPAR yashyize integanyanyigisho yayo mu mwaka wa 2012 ku bufatanye n’ikigo cy’ababaruramari cyo muri Irland, cyemerwa na IFAC cyo ku rwego rw’isi.

Abenshi mu banyeshuri baza gukora ibi bizamini by’abifuza kuba ababaruramari b’umwuga ni abo mu ishuri rya KIM, irya SFB, abakozi ba MINECOFIN n’abandi baturuka mu mashuri n’ibigo byigenga.

Kwiyandisha umuntu atanga ibihumbi 45 kuri konti ya ICPAR iri muri BK, cyangwa ugasura urubuga rwayo, www.ICPAR.rw.com.


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .