Koperative yo guteza imbere abacuruzi n’Ubwubatsi (COPCOM: Cooperative pour la Promotion des Comerçants et de construction) ikorera mu murenge wa Gisozi, yubatse ibiro by’umurenge wa Gisozi watashywe ku ya 2 Kanama 2013, yatanze 15.000.000 mu kigega cy’iterambere Agaciro.

Umuyobozi wa Koperative COPCOM, Ndahumba Emile yatangaje ko gushyira miliyoni 15 mu gaciro ari igikorwa cyiza cyo kubaka igihugu.

Yavuze ko nyuma yo gutsindira isoko ryo kubaka ibiro by’umurenge wa Gisozi, bakanawutaha ku mugaragaro, abagize koperative bifuje gushyigikira ikigega Agaciro.