Fracht Group ya mbere ku Isi mu bwikorezi bw’ibicuruzwa yatangiye gukorera mu Rwanda

Yanditswe na Akayezu Jean de Dieu
Kuya 7 Kanama 2018 saa 04:50
Yasuwe :
3 0

Kompanyi y’Abasuwisi ya ‘Fracht Group’ yamamaye ku Isi mu bwikorezi bw’ibicuruzwa bitwarwa n’indenge, mu Nyanja no ku butaka, yatangiye gukorera mu Rwanda yizeza korohereza abacuruzi no kubaha serivizi nziza kandi zihuse.

Muri Gicurasi nibwo iyi kompanyi yatangiye gukorera mu Rwanda, ku mugoroba wo kuwa wa 2 Kanama 2018, ikaba yamuritswe ku mugaragaro ishami ryayo mu bihugu byose byo muri Afurika y’Iburasirazuba rizaba rifite icyiro mu Rwanda.

Ishami rya Fracht RW rizajya ifasha abacuruzi muri serivisi z’ubwikorezi, kumenyekanisha imisoro mu kigo cy’imisoro n’amahoro no kumenya urwego bariho.

Iki kigo gifite umwihariko wo kuba cyafasha abantu batandukanye kuvana imizigo yabo mu mujyi wa Antwerp mu Bubiligi kandi ikagendera hamwe kugera igeze i Kigali, bikagabanya igiciro cy’ubwikorezi ku muntu ku giti cye.

Ushinzwe imishinga muri Fracht RW, Callixte Banani, yavuze ko bazibanda ku gutanga serivisi zihuse kandi bagafasha abakiriya gusobanukirwa.

Yagize ati “Abacuruzi dufite mu Rwanda baba bashaka kohereza ibintu mu mahanga cyangwa abo hanze baba bashaka kohereza ibintu mu Rwanda, bagorwaga no kubona uwo mwanya wo kumenyekanisha imisoro no kwikorera ibicuruzwa, twebwe rero tujya hagati yabo n’Ikigo gishinzwe imisoro n’amahoro tukabafasha kumenyekanisha imisoro yabo ndetse tukanabafasha mu bwikorezi bw’ibicuruzwa byabo.”

Yakomeje avuga ko icyo iyi kompanyi yihariye ari ugutanga serivisi nziza kandi , ahanini bagendeye ku burambe bafite muri aka kazi ndetse n’ibigo bikomeye basanzwe bakorana nabyo.

Kompanyi ya Fracht Group yatangiye muri 1955, kuri ubu ifite ibyicaro bigera kuri 93 mu bihugu 34. Muri Afurika iri mu bihugu bya Zambia, RDC, u Burundi n’u Rwanda ari naho hashyizwe icyicaro gikuru cyayo muri Afurika y’Iburasirazuba.

Umuyobozi Mukuru wa Fracht ku Isi, Rudolf Reisdorf, yavuze ko bahisemo gukorera mu Rwanda nk’igihugu gifite abashoramari bafite inyota yo gukora cyane kandi kiri kwihuta mu iterambere, cyorohereza ishoramari kandi gifite umutekano

Yakomeje avuga ko kompanyi ya Fracht Group isanzwe ikorana neza n’abashoramari bakomeye bo mu bihugu birimo u Bushinwa, Amerika n’ibihugu bitandukanye byo ku mugabane w’u Burayi.

Muri ibi bihugu byose bikorana na Fracht Group mu kugeza ku bakiriya ibicuruzwa birimo iby’ama kompanyi akomeye nka Toshiba, Hyundai, Daneli, Petrifac n’andi akomeye ku Isi. Abandi bifuza gukorana nayo bayandikira kuri [email protected]

Abakozi ba Fracht Rw bari kumwe n'Umuyobozi Mukuru wayo ku rwego rw'Isi
Umuyobozi wa Fracht mu Rwanda, Bastian Schmitz
Umuyobozi wa Fracht Group ku Isi, Rudolf Reisdorf, yavuze ko bahisemo gukorera mu Rwanda nk’igihugu gifite abashoramari bafite inyota yo gukora cyane
Umugenzuzi w'ibikorwa bya Fracht ku kibuga cy'indege, Consolee Mukagasana
Ushinzwe ibikorwa muri Fracht Rw Janviere Mukamuhire

Amafoto: Muhizi Serge}}


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza