Miss Iradukunda yakanguriye urubyiruko kugana ‘Itezimbere’ ya Cogebanque rugasezerera ubukene

Yanditswe na Manzi Rema Jules
Kuya 13 Kanama 2018 saa 01:55
Yasuwe :
0 0

Nyampinga w’u Rwanda 2018, Iradukunda Liliane yasabye Abanyarwanda by’umwihariko urubyiruko gufunguza ubwoko bugezweho bwa konti ya ‘Itezimbere’ ya Cogebanque ifite umwihariko wo kudakatwaho amafaranga ya buri kwezi nk’uko bigenda ku zindi, kuko ari imwe mu nzira izarufasha kwizigamira rugasezerera ubukene.

Miss Iradukunda uri mu bashinzwe kumenyekanisha ibikorwa bya Cogebanque, yasabye urubyiruko kwitabira gufunguza konti ya ‘Itezimbere’ iyi banki iza ku isonga mu Rwanda mu gushakira abakiliya bayo icyatuma biteza imbere yazanye, aho umuntu ayishyiraho amafaranga akazayasanga nta cyagabanutseho.

Cogebanque yateye inkunga Tour du Rwanda yasojwe kuri iki Cyumweru ikegukanwa n’Umunyarwanda Mugisha Samuel ukinira ikipe y’igihugu Team Rwanda anabereye kapiteni.

Iradukunda aganira na IGIHE yagize ati “Tour du Rwanda yagenze neza, birashimishije cyane by’umwihariko kuba ari n’Umunyarwanda uyegukanye ni ishema ku gihugu. Nka Cogebanque, igikorwa twagezaga ku bakiliya ni konti ya Itezimbere. Iyi nkonti ni nziza cyane kuko nta mafaranga uyifite acibwa buri kwezi, ayo ashyizeho ayasangaho nta cyahindutse.”

“Nasaba Abanyarwanda bose by’umwihariko urubyiruko kuyigana ari benshi kuko nk’uko yitwa izabafasha kwiteza imbere, bizigamire kandi amafaranga yabo abe afite umutekano usesuye muri Cogebanque.”

Iradukunda yanasabye abantu gukoresha uburyo bushya Cogebanque yazanye bwo kwakira no kohereza amafaranga biciye ku bahagarariye iyi banki ‘agents’ hirya no hino mu gihugu kuko bwizewe kandi bworoshye by’umwihariko bukaba buhendutse cyane ugereranyije n’ubundi busanzwe bukoreshwa mu Rwanda.

Muri Tour du Rwanda Cogebanque yahembaga umukinnyi uzamuka kurusha abandi, ikaba yari inafitemo ikipe ya Les Amis Sportif y’i Rwamagana isanzwe itera inkunga.

Miss Rwanda 2018 Iradukunda Liliane ari kumwe na Iyamuremye Antoine na Mukabanana Theonestine bashinzwe iyamamazabikorwa muri Cogebanque na Miss Rwanda 2017 Iradukunda Elsa
Mugisha Moise ukinira Les Amis Sportif iterwa inkunga na Cogebanque ni umwe mu bitwaye neza muri Tour du Rwanda arangiza mu 10 ba mbere
Muri Tour du Rwanda 2018 Cogebanque yahembaga umukinnyi uzamuka kurusha abandi
Cogebanque yari ifite itsinda ririni ry'abantu bamamaza ibikorwa byayo muri Tour du Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza