Ibyihariye kuri ‘Rapid Transfer’ uburyo bwa Ecobank Rwanda bufasha guhererekanya amafaranga muri Afurika

Yanditswe na Evariste Nsengimana
Kuya 15 Mutarama 2020 saa 07:42
Yasuwe :
0 0

Uko imyaka ishira indi igataha abantu bagenda barushaho gukenera uburyo buborohereza kubona serivisi z’imari bashaka ariko amahitamo ya benshi ahuriza kuri serivisi yihuse, ihendutse kandi yizewe.

Si ibyo gusa kuko n’imibereho ya muntu muri iki gihe imuhatira gushabikira hirya no hino, rimwe na rimwe agasabwa gukorera mu bihugu birenze kimwe.

Nta kabuza ko icyo gihe azakenera guhererekanya amafaranga n’abandi bakorana, inshuti n’abavandimwe atabasha kugeraho ako kanya kandi bitamutwaye umwanya cyangwa ngo bihungabanye ubushabitsi bwe.

Mu rwego rwo gusubiza ibyifuzo n’ibibazo by’abantu batandukanye, Banki y’Ubucuruzi ya Ecobank yashyizeho uburyo bwihariye bufasha abakiliya bayo n’abayigana guhererekanya amafaranga mu bihugu 33 ikoreramo muri Afurika.

Ubu buryo buzwi nka Rapid Transfer bufasha umuntu koherereza, kwakira cyangwa gusaba amafaranga mugenzi we uri muri kimwe mu bihugu Ecobank ikoreramo bitamuhenze kandi mu buryo bwihuse.

Umuyobozi w’Ishami rishinzwe Serivisi zo guhererekanya Amafaranga na Mobile Money muri Ecobank Rwanda, Murenzi Patrick, yabwiye IGIHE ko Rapid Transfer ari serivisi y’umwihariko iki kigo cy’imari kimaze kubaka izina cyatangije igamije koroherereza abakiliya bayo n’abandi bayigana.

Ati “Muri Afurika tugira benewacu baba baragiye gushaka imibereho hanze basize imiryango yabo, iyo bagezeyo bakenera kugira icyo bagenera benewabo basize mu gihugu baturutsemo, bagakenera kuboherereza amafaranga batarinze kugaruka.”

Si ibyo gusa kuko nk’abakora ubucuruzi mpuzamahanga bashobora gukenera amafaranga yo kunganira ubucuruzi bwabo igihe bagiye mu mahanga bakaba basaba abo bakorana kuboherereza kugira ngo bukomeze.

Ati “Rapid Transfer uko ikora harimo kwakira, kohereza no kubasha gukura amafaranga kuri konti yawe igihe utari mu gihugu waturutsemo wenda tuvuge ushobora kuba ukorera muri Nigeria ariko ufite konti muri Ecobank yo mu Rwanda, ukaba wakura amafaranga kuri konti ya Ecobank Rwanda ukabasha kuyakira uri Nigeria.”

Iyi serivisi iboneka ku mashami yose ya Ecobank ari mu bihugu 33 muri Afurika aho uyishaka ahasanga abakozi babizobereyemo bakamufasha kubikora.

Si aho gusa kuko iki kigo cy’imari kimaze kwigarurira benshi by’umwihariko muri serivisi zifashisha ikoranabuhanga kuko cyanashyizeho uburyo abafite telefoni zigezweho bashobora kubyikorera bifashishije porogaramu yitwa ‘Ecobank Mobile App’ igaragara kuri Play Store na App store.

Rapid Transfer kandi ishobora gukoreshwa n’abafite mudasobwa cyangwa telefoni zigezweho batarinze gukoresha iyo APP ariko bafite internet, uburyo buzwi nka ‘Ecobank Online’.

Ati “Ushobora koherereza amafaranga umuntu ufite konti muri Ecobank cyangwa n’utayifitemo, akayafata muri Ecobank cyangwa mu yindi banki kimwe n’uko yanayafata ku mu-agent mu gihugu Ecobank iherereyemo.”

Ecobank ikorera mu bihugu birimo Cape Vert, Sénégal, Guinea, Mali, Gambia, Guinea-Bissau, Sierra Leone, Liberia,Côte d’Ivoire, Burkina Faso, Ghana, Togo, Benin, Niger, Nigeria, Cameroun, Chad, Equatorial Guinea, Sao Tomé-et-Principe, Gabon, Congo Brazzaville, République Centrafricaine, Sudani y’Epfo, RDC, u Rwanda, Uganda, u Burundi, Kenya, Tanzania, Zambia, Malawi, Zimbabwe na Mozambique.

Rapid Transfer ifasha umuntu uyikoresha kwakira amafaranga yoherejwe mu gaciro k’ifaranga ry’igihugu arimo. Urugero niba umuntu ari mu Rwanda akohererezwa amafaranga n’umuntu uri muri Kenya wayohereje mu mashilingi, ayafata mu manyarwanda bitamusabye kujya kuvunjisha.

Murenzi ati “Ni uburyo buhendutse ugereranyije n’ibiguzi by’izindi serivisi zo kohererezanya amafaranga. Harimo igabanuka rigera kuri 10% ugereranyije n’izindi serivisi.”

Raporo ya BNR y’umwaka wa 2018/2019 igaragaza ko kwishyurana mu ikoranabuhanga, muri Kamena 2019 byageze kuri 34.63% by’umusaruro mbumbe w’igihugu bivuye kuri 30% muri Kamena 2018.

‘Rapid Transfer’ ni uburyo bwizewe bwa Ecobank Rwanda bushobora gufasha abayikoresha guhererekanya amafaranga mu bihugu bigera kuri 33 bya Afurika
Umuyobozi w’Ishami rishinzwe Serivisi zo guhererekanya Amafaranga na Mobile Money muri Ecobank Rwanda, Murenzi Patrick, yavuze ko ikoranabuhanga ryo guhererekanya amafaranga ritwara ikiguzi cyo hasi

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .