Iki kirwa kingana na kilometero kare 9,8, gituwe n’abantu 600 buri wese akagira ifarasi imwe imutwara. Kiri hagati y’ikiyaga cya Huron n’icya Michigan

Abatuye Mackinac bamaze kwakira ko ifarasi ari nk’umwami. Mu 1898 ubwo imodoka yahagendeshaga amapine, moteri yayo yakanze ifarasi zari aho bahita baca ibyo binyabiziga mu gihe cy’imyaka ibiri ariko bikomerezaho kugeza n’ubu.

Imirimo yose uzi ikorwa n’imodoka yaba gutwara abantu no gutwara imizigo n’ubutumwa bwa kompanyi nka FedEx bikorwa n’ifarasi.

Hari bamwe usangana utugare cyangwa bagahitamo kwigendera n’amaguru. Abasangwabutaka bo muri iki kirwa benshi bahugira mu burobyi n’ubuhigi.

Kubera imiterere y’iki kirwa abakire benshi mu bihe by’ubushyuhe bajya kuharuhukira. Hari hoteli imaze imyaka 138 hamwe n’izindi zimaze imyaka myinshi kandi zikora neza.

Ubuso Bungana na 80% by’iki kirwa bi parike bituma ba mukerarugendo bagisura ku bwinshi, bakishimira gukodesha amagare arenga 1500 afasha abahatuye na ba mukerarugendo kuhatembera.

Imirimo y'ubwikorezi ikorwa n'ifarasi

Ni ikirwa kiri hagati y'ibiyaga bibiri

Haba amagare 1500 afasha ba mukerarugendo kuhazenguruka