00:00:00 IGIHE NETWORK KN KINYARWANDA EN ENGLISH FR FRANCAIS

“Amashyuza “ umutungo kamere wirengagijwe

Yanditswe na

Jean Pierre Mazimpaka

Kuya 11 Ugushyingo 2014 saa 08:15
Yasuwe :

Abaturiye ikiyaga cy’amashyuza mu murenge wa Nyakabuye, akarere ka Rusizi bavuga ko amazi y’amashyuza ananura imitsi akanabaruhura kurusha inzu za kizungu zikorerwamo ukunanura, imitsi no gukanda bita Sauna nyamara kugeza ubu ntarabyazwa umusaruro nk’indi mitungo kamere.
Ayo mazi yiswe “Amashyuza “ kuko ava mu musozi ashushye ku buryo iyo ashyizwemo ibiribwa bimwe na bimwe bishya.
Abaturage baturiye aya mazi mu kagari ka Mashyuza bavuga ko iyo bayoze abavura amavunane. Uretse kuyoga kandi (...)

Abaturiye ikiyaga cy’amashyuza mu murenge wa Nyakabuye, akarere ka Rusizi bavuga ko amazi y’amashyuza ananura imitsi akanabaruhura kurusha inzu za kizungu zikorerwamo ukunanura, imitsi no gukanda bita Sauna nyamara kugeza ubu ntarabyazwa umusaruro nk’indi mitungo kamere.

Ayo mazi yiswe “Amashyuza “ kuko ava mu musozi ashushye ku buryo iyo ashyizwemo ibiribwa bimwe na bimwe bishya.

Abaturage baturiye aya mazi mu kagari ka Mashyuza bavuga ko iyo bayoze abavura amavunane. Uretse kuyoga kandi bamwe barayavoma bakayanywa, bavuga ko asukura mu nda ndetse akanabavura impyiko .

Umukambwe Nyiramazi uturiya aya mazi mu Murenge wa Nyakabuye avuga ko azi amazi y’amashyuza kuva akivuka muri za 48 (Mu 1948).

Umunyamabanga nshingwabikorwa w’umurenge wa Nyakabuye, Rukazambuga Gilbert, avuga ko bamaze kubona ko uyu mutungo wabyazwa umusaruro. Ku bufatanye n’uruganda rwa CIMERWA, RDB n’ubuyobozi bw’Akarere bakaba bagiye gutunganya aho hantu hakaza jya hakorerwa ubukerarugendo.

Ati”Twatangiye kwamamaza aha hantu, ku bufatanye na CIMERWA, RDB n’ubuyobozi bw’Akarere tugiye kuhavugurura ku buryo hazaba ahantu h’ubukerarugendo ndetse twubake ikintu kimeze nka Hotel abantu bajya biyakiriramo.”

Mu ruzinduko rw’abadipolomate rwiswe “Diplomatic Excursion” uyu mwaka, batemberejwe kuri aya mashyuza. Batangarira uburyo ahora ashyushye abira.

Minisitiri w’ububanyi n’Amahanga Louise Mushikiwabo, yavuze ko gutembereza abadipolomate ku mashyuza biri mu rwego rwo kumenyekanisha ibyiza by’u Rwanda ariko kandi ko hari gutekerezwa uko uyu mutungo umaze imyaka n’imyaka wabyazwa umusarururo.

Mu 2012 abashakashatsi bo mu gihugu cy’u Buhorandi bagaragaje ko amashyuza ashobora kuvamo amashanyarazi. Ariko ntibigeze kugeza ubu ntibarashyira mu bikorw auwo mushinga.

Rukazambuga, avuga ko igihe bazaba bamaze gutunganya ku kiyaga cy’amashyuza bazatangira no kujya bishyuza abaza gusura aya mazi.

Kugeza ubu abaturage n’abanyamahanga gusura amashyuza nta muntu n’umwe ucibwa ikiguzi.

Uruganda rwa CIMERWA kuri ubu nirwo rugaragaza ubushake bwo gutunganya amashyuza ndetse rukagaragaza ko ashobora kuzavamo amashanyarazi azajya arukoreshwamo.

[email protected]


Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Special pages
. . . . . .