00:00:00 IGIHE NETWORK KN KINYARWANDA EN ENGLISH FR FRANCAIS

Himbara yihaye gushimagiza Biraro, yirasa mu kirenge

Yanditswe na Kabagambe R. Ignatius
Kuya 19 Ukwakira 2021 saa 11:35
Yasuwe :
0 0

Nongeye ngarukanye Himbara David imbere y’abakurambere. Ntabwo noneho nje kumurasa, ahubwo nje kumufasha kwivanamo isasu yirashe mu kirenge.

Nyuma y’aho inama y’abaminisitiri ishyizeho Alex Kamuhire nk’Umugenzuzi Mukuru w’Imari ya Leta mushya, Himbara yuririye kuri iyo nkuru, arabitobanga biratinda. Yagaragaje ibyo benshi bari basanzwe bamuziho, nk’umuntu uzwiho kwinyuramo.

Muri iyo nkuru Himbara yinyuramo inshuro eshanu. Ku rubuga rwe yanditse ko “Kagame yashyize mu kiruhuko cy’izabukuru Biraro, Umugenzuzi w’Imari ya Leta udasanzwe kandi w’umunyamurava, wakunze gushyira hanze ruswa yamunze ishyaka riri ku butegetsi”. Aka mbaye nkanditse.

Kwinyuramo kwa mbere: Nk’umuntu wiyemera ko ari umushakashatsi, ni gute yaba yarananiwe no gukora ubushakashatsi buto ngo abone amakuru y’ibanze? Ntabwo Obadiah yagiye mu kiruhuko, yasoje manda ye ya kabiri ari nayo ya nyuma nk’Umugenzuzi Mukuru w’Imari ya Leta. Himbara yari kubibona iyo asoma itegeko No 79/2013 ryo kuwa 11/09/2013 rigena inshingano, imiterere n’imikorere by’urwego rw’ubugenzuzi bukuru bw’imari ya leta.

Mu gika cya gatatu cy’Ingingo ya 13 y’iryo tegeko, hagira hati “Manda y’Umugenzuzi Mukuru n’iy’Umugenzuzi Mukuru Wungirije ni imyaka itanu (5) ishobora kongerwa inshuro imwe (1) gusa.” Biraro yagiye kuri uwo mwanya muri Kamena 2011 asimbuye Kamagaju Evelyn.

Twese tuzi ubushobozi bwa Himbara mu mibare nk’uko byagaragajwe n’imitsindire ye igayitse (F9) ubwo yigaga muri Ndejje Senior Secondary School muri Uganda, nta kindi yakora kirenze biriya.

Icyakora nk’umuntu waje kuba umwarimu w’ubukungu, gukuramo byakabaye bimworohera. Byari ugufata 2021 ugakuramo 2011, akabona ko ari imyaka icumi bingana na manda ebyiri z’imyaka itanu imwe imwe ari nazo Biraro yayoboyemo. Ni imibare yoroshye itanasaba calculatrice.

Kwinyuramo kwa kabiri: Umuryango FPR Himbara ashaka kwereka Isi ko wamunzwe na ruswa, ndashaka kumwibutsa ko ari wo wazanye Ibiro by’Umugenzuzi Mukuru w’Imari ya Leta tariki 4 Kamena 1998. Ni nabwo ikigo cy’Imisoro n’Amahoro, Rwanda Revenue Authority cyashinzwe. Mbere yaho nta buryo bwo kugenzura imikorere y’ibigo bya Leta n’imiyoborere myiza bwabagaho.

Muri make nta kintu cyari gihari cyakwifashishwa mu gusuzuma uko ibigo bya Leta byakoze ibyo bishinzwe harimo no kumenya uko byakoresheje umutungo wa Leta.

Kwinyuramo kwa gatatu: Gushima Biraro nk’umuntu udasanzwe kandi w’umunyamurava, utarebye kuri Perezida wamushyizeho mu 2011, nyuma y’imyaka itanu mu 2016 akamwongerera indi manda ni ubusazi. Mu gushaka gushimagiza Biraro wenyine, ahubwo Himbara ari guha amanota Guverinoma yashyizeho uburyo bwiza butuma ibiro by’Umugenzuzi Mukuru w’Imari ya Leta bikorera mu bwisanzure.

Kwinyuramo kwa kane: Kuba mu mutwe we hari aho yemera ko FPR yazanye imiyoborere myiza mu Rwanda nkuko tubizi, hanyuma agahindukira agashinja iryo shyaka ruswa y’ikimungu, nta wundi wabyumva ataravangiwe.

Kwinyuramo kwa Gatanu: Gushimira Biraro ku bw’umuhate we mu gihe yari Umugenzuzi Mukuru w’Imari ya Leta, birakwiriye rwose. Icyakora kumva ko iryo shimwe ari rye wenyine, nta kureba ku zindi nzego zifata ibyemezo, izishyiraho ubuyobozi ndetse n’Ikigo yakoreye muri rusange, ni ikibazo gikomeye mu mitekerereze. Ibi ni nko gushimira uguhaye ibiryo, ukanenga uwabitetse cyangwa se uwagiye kubigura. Kubikora ku bushake byaba bibi cyane.

Reka nsoze mbasangiza umurongo muzi neza kuri Himbara ari wo ‘kuba imbata’. Kubera ko muri iyi minsi Himbara yabaswe n’indwara yo kwanga no guhindanya Perezida Kagame, bisigaye birangira ahubwo yihindanyije we ubwe. Akazi ke ni ukwirirwa ahiga ibyemezo byafashwe na Guverinoma, akabisobanura uko bitari mu nyungu za RNC iterwa inkunga na Uganda.

Mu gihe ibi binyoma bigaragaye, niwe ahubwo [Himbara] ugaragara nk’uwihindanyije. Ikinyarwanda gifite umugani ubisobanura neza, Inkubisi…

Himbara yihaye gushimagiza Biraro, yinyuramo

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .